| folqet | Folqet |
| I | |
| Sal cor plagues ben for huimais saisos De far canzhos p ioia matener Mas trop mi fai ma uentura doler Qant eu regart los bes el mals us qeu nai Qe ricx diz hom q(ue)soi e qe ben uai Mas cel qo diz no sap ges ben lo uer Qe benena(n)zha no(n) pot nus hom auer De nulla re mas dezho qal cor plai P qe nam mais un paubres ses ioios Cun(qu)ernet ses ioi qes tot lan consiros |
S'al cor plagues, ben fora huimais saisos de far chanzhos p Joia matener, mas trop mi fai m'aventura doler qant eu regart lo bes el mals q'eu n'ai; qe ricx diz hom que soi e qe ben vai, mas cel q'o diz non sap ges ben lo ver, que benenanzha non pot nus hom aver de nulla re mas de zho q'al cor plai, p qe n'am mais us paubres ses joios c'un quernet ses joi q'es tot l'an consiros. |
| II | |
| Et si anc iorn fui gais ni amoros Ar non ai ioi damor nelen esper Ni altre bes nom pot al cor plazer Anz mi senblon tot altre ioi esmai Pero damor qe uer uos en dirai Nom lai(s) d(e)l tot ni nomen puosc remare(r) Aissi com cel qem mei del arbre stai Qes tan poiaz qe no sap tornar ios Ni sus no(n) uai tan li par temeros |
Et si anc jorn fui gais ni amoros, ar non ai joi d'amor ne l'en esper, ni altre bes no·m pot al cor plazer, anz mi senblon tot altre ioi esmai; pero d'amor - qe ver vos en dirai - no·m lais del tot ni no m'en puosc remarer: aissi com cel qe·m mei del albr'estai, q'es tan pojaz qe non sap tornar jos, ni sus non vai, tant li par temoros. |
| III | |
| Per zho nom lais se tot ses perillos Qades no(n) page sus amon poder Et deuriam do(m)pnal fis cor ualer Pois conoissez qe ia non recrerai Qab ardime(n)t apoderom les glai Et non tem dan qe me posca escazer El guierdos es aitals chom seschai Qe neis lo dos leneis faich guierdos A cel qe sap dauinen far sos dos |
Per zho no·m lais, si tot s'es perillos, q'ades non page sus a mon poder; e deuria·m dompna, ·l fis cor valer, pois conoissez qe ja no·m recrerai, q'ab ardiment apoder'om l'esglai, et non tem dan qe m'en posca escazer; e·l guierdos er aitals chom s'eschai: q'en eis lo dos l'en eis es faich guierdos a cel qe sap d'avinen far sos dos. |
| IV | |
| Donc si merces a nuill poder en uos Traia sênan se iam uol pro tener Qeu nomen fi en prez ni ensaber Ni en chanzons mas car conosc sai Qe merces uol zo qe raisons d(e)schai Per qeu uos cuich ab merce (con)qerer Q(u)i mos escuz contral sobre ualer Qeu sai en uos per qem met en assai De uostramor zo qan ueda raisos Mas ille mi fai quiar qauinen fos |
Donc, si Merces a nuill poder en vos, traya·s ênan, si ja·m vol pro tener; q'eu no m'en fi en prez ni en saber ni en chanzons mas car conosc sai qe Merces vol zo qe Raisos deschai; per q'eu vos cuich ab merce conqerer qui m'os escuz contra·l sobrevaler q'eu sai en vos; per qe·m met en assai de vostr'amor zo qan veda Raisos, mas ill me fai quiar c'avinen fos. |
| V | |
| A zho conosc qeu soi meins pauros Qant al comenzamen me desesp Er mas chanzhons pois uoill m(er)ce q(ue)re(r) Farai doncs aissi col ioglars fai Aissi cum muo mos uers lo finerai Desesperar puos doncs noi puosc sabe(r) Raison per qeill deia de mi caler Ma tot lo meins ai tant en rete(n)drai Qanz en mon cor lamaraia rescos Erdiraiben delei en mas chanzos |
A zho conosc q'eu soi nems pauros qant al comenzamen me desesper mas chanzhons, pois voill Merce querer; farai o doncs aissi co·l ioglars fai: aissi cum muo mos vers lo finerai, desesperar, puos doncs noi puosc saber raison per qe·ill deia de mi caler; ma tot lo meins aytant en retendrai q'anz en mon cor l'amarai a rescos e dirai ben de lei en mas chanzos. |
| VI | |
| Si Nazimanz sabia cho qen fai Dir porria cuna pauca ocaisos Noz en amor plus qe noi ual raisos |
Si N'Azimanz sabia cho q'en fai dir porria c'una pauca ocaisos noz en amor plus qe no·i val raisos. |