| Le plor denbaral seigners de marsella le qual fez follz et de marsellha. |
Le plor d'En Baral seigners de Marsella le qual fez follz et de Marsellha. |
| I | |
| Si com sel ques tan greuanz Del mal qe non sent dolor Non sent ira ni tristor De tal guiszam soi oblidatz. Car tan sobre pueial danz Que mon cor nol pot pensar Ni nuls hom tro al proar Non pot saber con es granz Den baral lo mieu segnor. Per qe sai chan ori o plor No me pres plus qe fer enanz |
Si com sel qu'es tan greuanz del mal qe non sent dolor, non sent ira ni tristor, de tal guisza·m soi oblidatz; car tan sobrepueia·l danz que mon cor no·l pot pensar. ni nuls hom tro al proar non pot saber con es granz d'En Baral, lo mieu segnor; per qe, sai chan o ri o plor, no me pres plus qe fer enanz. |
| II | |
| Qieu mi pes si sai enchantaiz O si son calut cazutz en error. Qant no(n) tro p sa gran ualor. Caissi nos tenia honraiz Qe issamen com lasimanz Tira fer el fai leuar faziel manz cors dressar Vas prez forsaz epensanz Eqi prez e gaug e ricor Cenz bargueza astre honor. Nos a tout pauc ual nostre nanz. |
Q'ieu mi pes si sai enchantaiz o si son cazutz en error qant non trop sa gran valor; c'aissi nos tenia honraiz Qu' eissamen com l'asimanz tira fer e·l fai levar, fazi' el manz cors dressar vas prez, forsaz e pesanz; e qi prez e gaug e ricor, cenz, bargueza astr'e honor nos a tout, pauc val nostr' enanz. |
| III | |
| A qant ni a deseretaiz. Qe tuit eron ne en samor. E canz en moriror ior Qel fon moritz esoterraiz. Que num sol no(n) uist meuz tanz Neus sels qe lauzon nomar Na tendion en acaptar Tant era sos prez presaiz Caissi saup far son nom ausor De pauc gran e de gran maior Tro nol pot en claure garanz |
A qant ni a deseretaiz Qe tuit eron ne en s'amor, e canz en moriror ior. q'el fon moritz e soterraiz! Que num sol non vist meuz tanz; neus sels qe l'auzon nomar na tendion en acaptar tant era sos prez presaiz; c'aissi saup far son nom ausor, de pauc gran e de gran major, tro no·l puoc enclaure garanz. |
| IV | |
| Et ar can fosc plus poiatz Faillit a guisa de flor. Que quant hom la ue gensor. Adoncs il chai plus uiaiz Mas dieu nos mestrab semblanz. Que sol lui deuem amar El catiu segle azirar. On passam ton uiananz Cautre prez tornen desenor E tut autre cen follor Mas de cels que fan sos comanz. |
Et ar can fosc plus poiatz, faillit a guisa de flor que, quant hom la ve gensor, adoncs il chai plus viaiz; mas Dieu mestr'ab semblanz que sol lui devem amar e·l catiu segle azirar on passam ton viananz, c'autre prez torn'en des enor e tut autre cen follor Mas de cels que fan sos comanz. |
| V | |
| Bel seigner dieul cui no(n) plaiz. Mort de negun peccator. Anz pausire la lor. Sffrist uos la uostre en paiz. Faitz lo lai uiure ab los sanz Pos sai nol uolgest laissar E ui deingnes les uos pregar. Verge que pregas per manz Vostre fil per quel soccor. Que sp(er)ans an tuit li meillor El uostres cars precs merceianz |
Bel Seigner Dieul, cui non plaiz mort de negun peccator, anz p ausire la lor sffrist vos la vostre, en-paiz faitz lo lai viure ab los sanz, pos sai nol volgest laissar! E vi deingnes l'es vos pregar, Verge que pregas pe manz vostre Fil, per qu'el soccor, qu' esperans'an tuit li meillor el vostres cars precs merceianz. |
| VI | |
| Seigner merauellias granz Es car de uos pueis chantar Es car mils degra plorar P(er)o tant plor en pensaz P(er) qen ben seu mant trobadors Diran de uos mais de lauzor Que ieu quen degra dir mil tanz. |
Seigner, meravellias granz es car eu de vos pueis chantar es car mils degra plorar; pero tant plor en pensaz per qen ben seu mant trobadors diran de vos mais de lauzor que ieu qu'en degra dir mil tanz. |