| I | |
| Si tot me suy Ay ci com celhs quy ha e iura Q ue may no ioch ha g ran bonauentura M o dey tener car me sui conegutz D el grant engan qua mors vas me fasia Q ab belh se mblant ma tengut en fadia Mays en dey ans aleys de mal deutor Q auassats p(ro)met e res no paguaria |
Sitot me suy ayci com celhs quy ha e jura que may no ioch, ha gran bonaventura m'o dey tener c'ar me sui conegutz del grant engan qu' Amors vas me fasia, q'ab belh semblant m'a tengut en fadia mays en dey ans, a leys de mal deutor q'aussats promet e res no paguaria. |
| II | |
| Ab bel semblan que falsamor adutz S atray vas lyeys folhs amans e satura C ol pap alhos car hay folha natura. Quelh fer al foch. p(er) la clartat quelutz Mas yeu men part e segray altra via S uy mal pagats questiers no meu partria Si segray laups de tot bon soffridor Que sirays fort si com fortz sumilia |
Ab bel semblan que fals' amor adutz s'atray vas lyeys folhs amans e s'atura, co·l papalhos car hay folha natura quelh fer al foch per la clartat que lutz; mas yeu m'en part e segray altra via, suy mal pagats, q' estiers no m'eu partria; si segray l'aups de tot bon soffridor: que s'irays fort si com fortz s'umilia. |
| III | |
| Pero nos cuig si muderai si bem suy irascuts N e faytz de liey en xantan ma rancura Quyeu diga re que nom semble mesura Anc sabge be quesos obs suy perdutz Q uanch sobre fe nom uolc menar un dia Ans mi fes far mot poders tota uia. Com caualh de gran valor Quil borna trop souey culh falhonia |
Pero nos cuig si muderai si bem suy irascuts ne faytz de liey en xantan ma rancura, qu'yeu diga re que nom semble mesura; anc sabge be que sos obs suy perdutz, qu'anch sobre fe nom volc menar un dia, ans mi fes far mot poders tota-via, com cavalh de gran valor, qui·l beorda trop sovey, culh falhonia. |
| IV | |
| Car plus desmesura Fay gras foldatz en es en auentura Anc dun sieu par pot esse be uessutz Yab pus freuol de si fay uilania Per qanch nom platz sobrensaria Per que hom deu guardar sa honor Car sen aunits no preu mays folhia |
car plus desmesura fay gran foldatz; e nes en a gran aventura anc dun s'ieu par pot esse be vessutz y ab de pus frevol de si fay vilania; per q'anch nom platz sobrensaria: per que hom deu guardar honor, car sen aunits no preu mays folhia. |
| V | |
| Pero amors me suy yeu recresutz De vos amor seruir car may non hauray cura Quayci cum hom presa laya pintura Cant les luny mays que cant les pres uengutz Presaue uos plus que tant uoy conexia Ez hanch uos uoleh meny nay queu no volia Quayci mes pros com al fort querdor Que ditz quaur fos tot co quel tocaria |
Pero, Amors, me suy yeu recresutz de vos servir, car may no n' haurai cura; qu'ayci cum hom presa laya pintura cant es luny, mays que cant les pres vengutz, presave vos plus que tant voy conexia; e z'hanch vos voleh, meny n'ay qu'eu no volia: qu'ayci m'es pros com al fort querdor que ditz qu'aur fos tot co quel tocaria. |
| VI | |
| B els nazhimans si amor vos destrenyia Vos entostemps yeu vos conselharia Si uos menbres cant yeu nay de dolor Ne quant de be iamay uoy us encalharia |
Bels N'Azhimans, si Amor vos destrenyia, vos e·N Tostemps, yeu vos conselharia: si vos menbres cant yeu n'ay de dolor ne quant de be ja may voy us en calharia. |