| I | |
| Dame cist uostre fins ami(s). qui tout son cuer a en uous mis. de uos amer est si sorpris; que de nuit et de ior est pris. uos mande que sachiez de uoir; qil uous aime sanz dece uoir. en uos am(er) na pas mespris. |
Dame, cist vostre fins amis, qui tout son cuer a en vous mis - de vos amer est si sorpris que de nuit et de jor est pris -, vos mande que sachiez de voir q’il vous aime sanz decevoir; en vos amer n’a pas mespris. |
| II | |
| Dame quant de uous me souuient; une tel ioie au cuer men uient. quamors me lace qui me tient. uostre douz re gars me soustient. qui soef ma le cuer enble. et souuent me ra il senble; que de uous toute ioie uient. |
Dame, quant de vous me souvient, une tel joie au cuer m’en vient qu’Amors me lace, qui me tient. Vostre douz regars me soustient, qui soëf m’a le cuer enblé; et souvent me ra il senblé que de vous toute joie vient. |
| III | |
| Amors aiez de moi merci. que mon cuer qui nest mie ci. fetes ioiant et priez li. que il li souuengne de mi. mes certes uous nen feroiz rien. que ie uous aim seur toute rien. pour ce sel metrez en oubli. |
Amors, aiez de moi merci, que mon cuer, qui n’est mie ci, fetes joiant, et priez li que il li souvengne de mi. Més certes vous n’en feroiz rien, que je vous aim seur toute rien; pour ce sel metrez en oubli. |
| IV | |
| Onques nus ne uo(us) ama tant. com ie faz qui touz iorz entent. auos seruir uerai ement. pour ce sont perdu li amant. que trop leur fetes acheter. ce dont il deuroient chanter. dex si fetes pechie t(ro)p grant. |
Onques nus ne vous ama tant com je faz, qui touz jorz entent a vos servir veraiement. Pour ce sont perdu li amant, que trop leur fetes acheter: ce dont il devroient chanter. Dex si fetes pechie trop grant! |
| V | |
| Dame merci merci cent foiz. de moi qui sui issi destroiz. pour uous quor sui chauz or sui froiz. or chant or plor et or souspir. ie conma(n)t auos mon espir. ne sai se mer ci en auroiz. |
Dame, merci, merci cent foiz de moi qui sui issi destroiz pour vous, qu’or sui chauz, or sui froiz, or chant, or plor et or souspir. Je conmant a vos mon espir; ne sai se merci en avroiz. |