| G Aucelms faiditz si fo dun borc que a nom userta q(ue) es eleues cat delemozin. efo fills dun borzes echantaua pieitz domen delmon. e fetz mout bons sos ebons motz. e fetz se ioglars p(er) ochaion q(ue) el p(er)det a ioc tot son auer. hom fo q(ue) ac molt gran larguesa. efo mout glotz de maniar e de beure. e p(er) so el uenc gros outra mesura. Mout fo lonc temps desastrucs de dons e donor aprendre q(ue) plus de.xx. anz anet a pe p(er) lomon qez el ni sas chansos non eron uolgudas ni grazidas. epres p(er)moiller una soudadieira qel menet ab se lonc temps per cortz que auia nom Guillelma monia. fort fo bella (et) ben enseig nada. euenc si grossa cum era el. ella fo dun borc qui a nom elest qes delamarcha deproenssa qes dela seignoria den bernart dandu sa. emessier lo marques bonifacis demonferrat lomes en auer (et) en raubas (et) en arnes (et) en gran p(re)tz lui esas chanssons. |
Gaucelms Faiditz si fo d'un borc que a nom Userta que es el evescat de Lemozin; e fo fills d'un borzes. E chantava pieitz d'omen del mon, e fetz mout bons sos e bons motz. E fetz se ioglars per ochaion que el perdet a ioc tot son aver. Hom fo que ac molt gran larguesa, e fo mout glotz de maniar e de beure; e per so el venc gros outra mesura. Mout fo lonc temps desastrucs de dons e d'honor a prendre, que plus de .XX. anz anet a pe per le mon, qez el ni sas chansos non eron volgudas ni grazidas. E pres per moiller una soudadieira, q’el menet ab se lonc temps per cortz, que avia nom Guillelma Monia. Fort fo bella et ben enseignada, e venc si grossa cum era el. Ella fo d'un borc qui a nom Elest, q'es de la Marca de Proenssa, q’es de la seignoria d'En Bernart d'Andusa. E messier lo marques Bonifacis de Monferrat lo mes en aver, et en raubas, et en arnes; et en gran pretz lui e sas chanssons. |