| b(er)tans de born | |
| IEu mescondesc domna que mal non mier. de so q(ua)n dig de mi fals lauzengier. p(er) merceus prec que nom puescon mes- clar. uostre gent cors adreg e plazentier. franc (et) humil leyal e drechurier. en con tral mieu per messorguas co(m)tar. |
I‧eu m’escondesc domna que mal non mier de so quan dig de mi fals lauzengier per merce‧us prec que nom puescon mesclar vostre gent cors adreg e plazentier franc et humil leyal e drechurier en con tral m’ieu per messorguas comtar. |
| II strofa | |
| Al primier lans pert ieu mon esparuier. el maucion el ponh falcon lanier. que lon porton e quiel ueya plumar. sieu mai de uos ont ai mon cossirier. no(n) am totz temps auer lo dezirier. que de nulha samor ni son col. guar. |
Al primier lans pert’ieu mon esparvier el m’aucion el ponh falcon lanier que l’on porton e qui el veya plumar s’ieu m’ai de vos ont ai mon cossirier non am totztemps aver lo dezirier que de nulha s’amor ni son colguar. |
| III strofa | |
| Domna sieu ai mon austor anedier. bon euolant e prenden e manier. que tot au- zelh puesca apoderar. singne grua (et) aigron blanc o nier. uol rai lo donc mal mudat gualli- nier. guort debaten que non puesca uolar. |
Domna s’ieu ai mon austor anedier bon e volant e prenden e manier que tot auzelh puesc’apoderar sin gne grua et aigron blanc o nier volrai lo donc mal mudat guallinier guort debaten que non puesca volar. |
| IV strofa | |
| Escut acolh caualguieu ab te(m)- pier. e port sallat capairo trauer- sier. e regnas breus quom no pu- esca longuar. (et) estru eps loncs en cauallas trotier. (et) en ostal tru- ep irat ostalier. si neus menti quius o aner comtar. |
Escut acolh cavalgu‧i’eu ab tempier e port sallat capairo traversier e regnas breus qu‧om no puesca longuar et estru eps loncs en cavallas trotier et en ostal truep irat ostalier si ne‧us menti qui‧us o aner comtar. |
| V strofa | |
| Ma donam lais per autre caua- lier. e pueys no sai aque maya mestier. e falham uens quan se- rai sobre mar. en cort de rey mi baton li portier. (et) en cocham uey- hom fugir primier. e sieu agui cor dautra domna mar. |
Ma donam lais per autre cavalier e pueys no sai a‧que maya mestier e falham vens quan serai sobre mar en cort de rey mi baton li portier et en cocham vey hom fugir primier e s’ieu agui cor d’autra domna mar. |
| VI strofa | |
| Senhor si eu dun castelh ab pa- rier. e quen lator siam quatre parsonier. elus en lautre non si puesca fizar. ans maion ops tostemps arc balhestier. metges guaitas e siruent (et) arquier. si eu uengui per uos agualiar. |
Senhor si eu d’un castelh ab parier e qu‧en lator siam quatre parsonier e lus en l’autre non si puesca fizar ans maion ops tostemps arc balhestier met ges guaitas e sirvent et arquier si eu vengui per vos agualiar. |
| VII strofa | |
| Autrescondig uos farai pus sobrier. e pus nom sai orar mais dencombrier. sieu tenc ma dom- na que la puesca brassar. qua(n) serai sols dins cambra o dins uergier. falham poders de uas mon companhier. de tal guiza que nom puesca iudar. |
Autr’escondig vos farai pus sobrier e pus nom sai orar mais d' encombrier s’ieu tenc ma domna que la puesca brassar quan serai sols dins cambra o dins vergier falham poders de vas mon companhier de tal guiza que no'm puesca iudar. |