| Guiraut de borneill [ ]Eys glorios. uerais lums e clardatz. dieus poderos. se nher si auos platz. al mieu conpainh sias fizels aiuda. quieu noloui pos la nueitz fo uenguda. e ades seralalba. |
I. Reys glorios, verais lums e clardatz, dieus poderos, senher, si a vos platz, al mieu conpainh sias fizels aiuda, qu’ieu non lo vi, pos la nueitz fo venguda, e ades sera l’alba! |
| Bel conpanho. si dormitz ho uueillatz. no dormatz plus senher si auos platz. quen orien uei lastella creguda amenal iorn q(u)eu lai ben conoguda. e ades sera lalba. |
II. Bel conpanho, si dormitz o vueilltz no dormatz plus senher si a vos platz qu’en orient vei l’estella creguda amenal iorn, qu’ieu l’ai ben conoguda, e ades sera l’alba! |
|
Bel conpanho. enchantan uos apel. no dormatz plus quieuaug |
III. Bel conpanho, en chantan vos apel: no dormatz plus, qu’ieu aug chantar l’auzel que vai queren lo iorn ple boscatge, e ai pahor quel gilos . vos assatge sius conses enans l'alba! |
| Bel companho pos mi parti deuos. eu non dormi nun muec de genoillos. ans preghei dieu lo fill santa maria. q(uieu)s mi rendes per lial conpanhia. e ades sera lalba.
|
IV. Bel companho, pos mi parti de vos, eu non dormi nun muec de ginoillos, ans preghei dieu, lo fill Santa Maria, quieus mi rendes per lial conpanhia, e ades sera l'alba! |
| Bel conpanho. asse(tz) al fenestrel. e esgardas las estelas del cel. conoiseretz sius sui fizels missatges. si non ho faitz uostre ner le dapnatges. e ades sera lalba. |
V. Bel companho, assetz al fenestrel, e esgardas las estelas del cel; conoiseretz sius sui fizels missatges: si non ho faitz, vostres n'er lo dapnatge, e ades sera l'alba |
| Bel conpanho la foras al peiros. mi pregauatz q(u)eu non fos dormil- los. enans ueilles tota nueit tro al dia. ara nous platz mos chans ni ma paria. e ades sera lalba |
VI. Bel companho, la foras al peiros me pregavatz qu'eu non fos dormilhos, enans veilles tota nueit tro al dia, ara nous platz mos chans ni ma paria. e ades sera l'alba! |