| Bernard Lauentador. | Bernard la Ventador. |
| I | I |
| LOrosignols ses baudeia. Iosta laflor el uerian. Ep(re)n me tan granç enueia. Que non puesc mudar non chan. Enon sai de que nidecui. Car eu non am me ne autru i. Efas esfors car sai faire. Bo(n) uers eno sui amaire. |
Lo rosignols s’esbaudeia iosta la flor el verian, e pren me tan granç enveia que non puesc mudar, non chan; e non sai de que ni de cui, car eu non am me ne autrui, e fas esfors, car sai faire bon vers e no sui amaire. |
| II | II |
| MAis adamor qui dom neia. Abor goill et ab enian. Que sel que tos teps merceia. Nis uai trop humilian. Capenas uol amors cellui. Ques fran cs efis si con eu sui. So ma tou t tot mon afaire. Canc no fui fals nitri chaire. |
Mais a d’Amor qui domneia ab orgoill et ab enian que sel que tosteps merceia ni·s vai trop humilian; c’a penas vol Amors cellui qu’es francs e fis, si con eu sui. So m’a tout tot mon afaire c’anc no fui fals ni trichaire. |
| III | III |
| CAtresi col ram sopleia. Laol uen louai menan. Era uas le i quem guereia. Aclins per far son coman. Per aco ma follem destrui. Domna mal lingnaie redui. Cams los oils lidon atraire. Sautre tort mipot retraire. |
C’atresi co·l ram sopleia la o·l ven lo vai menan, era vas lei que·m guereia, aclins per far son coman. Per aco m’afoll’e·m destrui domna, mal lingnaie redui, c’ams los oils li don a traire, s’autre tort mi pot retraire. |
| IV | IV |
| NOn es hom que dellei ueiha. Ladreg cors nil bel sembla(n). Que diga quella uer deia. Felon cor ni mal talan. Mas laiga que soau sadui. Espie ier que sella quebrui. En ian fai que debon aire. Se(n) bla enon es gaire. |
Non es hom que de llei veiha la dreg cors ni·l bel semblan, que diga qu’ell’aver deia felon cor ni mal talan; mas l’aiga que soau s’adui, es pieier que sella que brui. Enian fai, que de bon aire senbla e non es gaire. |
| V | V |
| DEtotç locs on il esteia. Mide stueil em uauc loingnan. Eperso que non laueia. Pas li mos oils claus denan. Ien ioga demi es desdui. Cab le is los sieus torc micon dui. Et es uers tostemps queill laire. Cuia tut sion siei faire. |
De totç locs on il esteia, mi destueil e·m vauc loingnan, e per so que non la veia pas li mos oils claus denan. Ien ioga de mi e·s desdui c’ab leis los sieus torc mi condui. Et es vers tostemps que·ill laire cuia tut sion siei faire. |
| VI | VI |
| Ia non er sitot migreia. Q(ue)n quer fin epas nol man. Que greu mes caisim recreia. Ni perga tan lonc afan. Asos obs megart em destrui. Esi nomem amic am dui. Nom semblanimes ueiaire. Cau tra mors locor mes claire. |
Ia non er si tot mi greia, qu’enquer fin e pas no·l man; que greu m’es c’aisi·m recreia ni perga tan lonc afan. A sos obs me gart e·m destrui, e si no·m em amic amdui, no·m sembla ni m’es veiaire c’autr’amors lo cor m’esclaire. |