| Bernard | Bernard |
| I | I |
| COnort era sai eu be Qe ges de mi no pensaz Puos salutz ni amistatz Ni messages no men ue Trop cuit qei faz lon aten Et er ben senblant oimai Qeu chace zho qaltrui pren Pois no men ue auentura |
Conort, era sai eu be qe ges de mi no pensaz, puos salutz ni amistatz ni messages no m’en ve. Trop cuit qe i faz lon aten, et er ben senblant oimai q’eu chace zho q’altrui pren, pois no m’en ve aventura. |
| II | II |
| Bel conort can mi soue Com gen fui p(er) uos honratz Et qan eram oblidatz P(er) un pauc no muor de se Qeu eisme uau enqiren Qim met de foldat en plai Qant eu mi don sobre pren De la mia forfaitura |
Bel Conort, can mi sove com gen fui per vos honratz et qan era m’oblidatz, per un pauc no muor dese! Q’eu eis me vau enqiren, qi·m met de foldat en plai, qant eu midon sobrepren de la mia forfaitura. |
| III | III |
| Per ma colpa mesdeue Et ia no(n) sia celatz Car uas lei no(n) soi tornatz Per foldat qui men rete Tant nai estat longamen Que de uergoigna qeu nai Non aus auer lardimen Qei an anz no ma segura |
Per ma colpa m’esdeve et ia no·n sia celatz, car vas lei non soi tornatz per foldat qui m’en rete. Tant n’ai estat longamen que de vergoigna q’eu n’ai, non aus aver l’ardimen qe i an, anz no m’asegura. |
| IV | IV |
| Il men colpet de tal re Don mi degra uenir graz Fe qeu dei aluergnaz Tot o fi per bona fe Et seu en amar mespren Tort a qi colpa men fai Qe qi en amor qer sen Cel non a sen ni mesura |
Il m’encolpet de tal re don mi degra venir graz. Fe q’eu dei Alvergnaz, tot o fi per bona fe. Et s’eu en amar mespren, tort a qi colpa m’en fai, qe qi en amor qer sen, cel non a sen ni mesura. |
| V | V |
| Tant er gen seruiz p(er) me Sos cors fels durs e iratz Tro del tot ser adolchatz Ab bels ditz e ab merce Qeu ai ben trobat legen Qe gota daiga qan chai Fer en un luoc tan souen Tro caua la pera dura |
Tant er gen serviz per me sos cors fels, durs e iratz, tro del tot ser’adolchatz ab bels ditz e ab merce; q’eu ai ben trobat legen qe gota d’aiga, qan chai, fer en un luoc tan soven, tro cava la pera dura. |
| VI | VI |
| Qi ben remire ni ue Oillz e gole front e fatz Aissi son finas beltaz Qe mais ni meins noi conue Cors loncs dreich e conuenen Gent aflibar coint e gai Hom nol pot lauzar tan gen Cum lo saop formar natura |
Qi ben remire ni ve oillz e gol’e front e fatz, aissi son finas beltaz qe mais ni meins no i conve: cors loncs, dreich e convenen, gent aflibar, coint’e gai. Hom no·l pot lauzar tan gen cum lo saop formar Natura. |
| VII | VII |
| Chanzoneta or ten uai Ues mon frances lauinen Cui prez enanz e meillora |
Chanzoneta, or t’en vai ves Mon Frances, l’avinen, cui prez enanz’e meillora. |
| VIII | VIII |
| E digazli qe ben uai Qe de mon conort aten Enqera bonauentura |
E digaz li qe ben vai, qe de Mon Conort aten enqera bon’aventura. |