| I | I |
| Bel mes queu chant en aquel mes. can fuell eflor deuon parer. (et) aug lo douz chant pel deues. del rossinhol maiti eser. ades mesiau p(er) un ric iaussimen. quim ten ue rai emadutz tal talen. qui eu cre elai que p(er) samor morai. |
Bel m’es qu’eu chant en aquel mes can fuell e flor devon parer, et aug lo douz chant pel deves del rossinhol maiti e ser. Ades m’esiau per un ric iaussimen qui·m ten verai e·m adutz tal talen, qui eu cre e lai que per s’amor morai. |
| II | II |
| Amors ecal honor uos es. nical bes uon pot echaser. causiatz celui cauetz pres. qui uas uos nos ausa mouer. mal uos estai car dolor nous en pren. camat aurai emperdo lonihamen. ce lei hon iamerce no trobarai. |
Amors, e cal honor vos es ni cal bes vo·n pot echaser, c’ausiatz celui c’avetz pres, qui vas vos no s’ausa mover? Mal vos estai car dolor no·us en pren, c’amat aurai em perdo lonihamen celei hon ia merce no trobarai! |
| III | III |
| Gels magers tortz q(ui)eu anc agues. uos dirai sius uoletz lo u(er). ama rala salui plagues. eseruiral demon poder. mas noses chai quelam tan paubramen. p(er)o besai cassatz forauinen. q(ue)ges amor segons ricor no uai |
Gels magers tortz qu’ieu anc agues, vos dirai si·us voletz, lo ver: amara la s’a lui plagues, e servira·l de mon poder. Mas no s’eschai qu’el am tan paubramen; pero be sai c’assatz for’avinen, que ges amor segons ricor no vai. |
| IV | IV |
| Gran mal mafait mabona fes. q(ue)m degra ab midons ualer esieu ai en amar meins pres. per trop seruir nip(er) temer. donsc quem farai. ai las chaitiu dolen. catotz esmai de bel acuillimen mas mi tot sols adira edeschai. |
Gran mal m’a fait ma bona fes, que·m degra ab midons valer; e s’ieu ai en amar meinspres per trop servir ni per temer, donsc que·m farai? Ai las, chaitiu dolen! C’a totz esmai de bel acuillimen, mas mi tot sols adira e deschai. |
| V | V |
| Perit magra si maucies. cadoncs magra fait son plaser. mas losieu cors gai ecortes. lo gens co(m) pusca ueser. nagra esmai. epenedera sen. ia non creirai nom am cubertamen. mas cela sen demi p(er) plan osai. |
Perit m’agra si m’aucies, c’adoncs m’agra fait son plaser. Mas lo sieu cors gai e cortes lo gens c’om pusca veser. N’agra esmai e penedera s’en? Ia non creirai, no m’am cubertamen, mas cela s’en de mi per plan, o sai! |
| VI | VI |
| Pus uei que preiar ni merces. ni seruir. nomi pot ualer. p(er)amor de deu mi fees madona cal que bo sab(er). car gran be fai. us paucs deiaussimens. cel p(er)q(ui) trai lag(ra)n dolor. q(ui)eu sen saixi mauci req(ui)zit li serai. |
Pus vei que preiar ni merces ni servir no mi pot valer, per amor de Deu mi fees ma dona calque bo saber! Car gran be fai us paucs de iaussimens cel per qui trai la gran dolor qu’ieu sen s’aixi m’auci, requizit li serai. |
| VII | VII |
| El mon no(n) es neguna res. deq(ui)eu gran gaug pogues au(er) edaquela non aurai ges ni dautra non ho pusc auer. p(er)o sim nai per leis ualor esen. emen faz gai entre mon cor pus gen. q(ue) sil nof os ia nom mesera emplai. |
El mon non es neguna res de qu’ieu gran gaug pogues aver; e d’aquela no·n aurai ges ni d’autra no·n ho pusc aver. Pero si·m n’ai per leis valor e sen, e m’en faz gai entre mon cor pus gen, que s’il no fos, ia no·m mesera em plai! |