| I | |
| Peirol. q. C Ora qem fezes doler. Amors nim dones esmai. A ram tem iauzent (et) gai. P er qeu chant a mon plazer. Q eu ai plus ric ioi (con)qis. Q ami no tagnia. E t qan ricors somelia. H omilitaz senreqis. |
Peirol. Cora qe·m fezes doler amors ni·m dones esmai, ara·m tem iauzent et gai, per q’eu chant a mon plazer, q’eu ai plus ric ioi conqis q’a mi no tagnia et qan ricors s’omelia homilitaz s’enreqis. |
| II | |
| M idonz mercei (et) grazis. D el benenanza qeu nai. E t ia non mobliderai. L os plazers qem fez nim dis. Q en mi no a mais poder. C il qamar solia. Q en plus franca segnoria. V oill ses engan remaner. |
Midonz mercei et grazis de·l benenanza q’eu n'ai et ia non m’obliderai los plazers qe·m fez ni·m dis, q’en mi no a mais poder cil q’amar solia, q’en plus franca segnoria voill ses engan remaner. |
| III | |
| D er en an mer atener. A l reproer com retrai. N os moua qi ben estai. N o farai eu ges per uer. Q el flam qamors noiris. M art la noit (et) la dia. P er qeu deueing tuta uia. C om fa laors el foc plus fis. |
D'er en an m’er a tener al reproer c’om retrai: “no·s mova qi ben estai”; no farai eu ges per ver, qe·l flam q’amors noiris m’art la noit et la dia, per q’eu deveing tuta via, com fa l’aors el foc, plus fis. |
| IV | |
| B en magrad (et) mabelis. D e dos amics qan seschai. Q e samon de cor uerai. E t luns lautre non trais. E t sabon loc (et) lezer. G ardar ses folia. Q e sa bona conpaignia. N os puos qenoios saber. |
Ben m’agrad’ et m’abelis de dos amics, qan s’eschai, qe s’amon de cor verai et l’uns l’autre non trais et sabon loc et lezer gardar ses folia qe sa bona conpaignia no·s puosq’enoios saber. |
| V | |
| S ouen lanera uezer. L a plus auinen qeu sai. S ils diuinamenz qom fai. N omauengues a temer. P er cho mos cors les aclis. V es lei ont qem sia. Q e fin amors ioing (et) lia. T als qes loing de son pais. |
Soven l’anera vezer, la plus avinen q’eu sai, si·ls divinamenz q’om fai no m’avengues a temer, per cho mos cors l’es aclis ves lei, ont qe·m sia, qe fin’ amors ioing et lia tals q’es loing de son pais. |
| VI | |
| S era part la croiz del ris. D on anc hom no tornet chai. N o creiaz qem pogues lai. R etenir nuill paradis. T ant ai assis mon uoler. |
S’era part la Croiz del ris don anc hom no tornet chai no creiaz qe·m pogues lai retenir nuill paradis, tant ai assis mon voler en ma dolch’ amia qe sens lei no·m poiria altre iois plazer. |
| VII | |
| C anzon oimais poich tener. V es midonz ta uia. Q eu sai ben qela uolria. T i aucir (et) mi uezer. |
Canzon, oimais poich tener ves midonz ta via, q’eu sai ben q’ela volria ti aucir et mi vezer. |