| I | |
| Robert ueez de perron co(n) me il a le cuer felon. qui a un si loigtaing baron ueut sa fille marier. qui a si clere facon q(ue) len si porroit mirer. |
Robert, veez de Perron conme il a le cuer felon, qui a un si loigtaing baron veut sa fille marïer, qui a si clere façon que l’en s’i porroit mirer! |
| II | |
| Et dex con ci faut reson. ueez du uis de fuiron. gente de toute faco(n) or uos en ueut on mener. ro bert ne uaut un bouto(n) qui si lenlera mener. |
Et Dex! Con ci faut reson! Veez du vis de fuiron! Gente de toute façon, or vos en veut on mener. Robert, ne vaut un bouton qui si l’en lera mener. |
| III | |
| Sire uo(s) doit on blasmer sensi len lessiez mener. ce que tant poez amer et ou tant auez pouoir. nen deuez lessier aler. pour terre ne pour auoir. |
Sire, vos doit on blasmer, s’ensi l’en lessiez mener. Ce que tant poëz amer et ou tant avez povoir n’en devez lessier aler pour terre ne pour avoir. |
| IV | |
| Mult par auroiz le cuer noir. quant uous en sauroiz le uoir. na uroiz force ne pouoir de li uo er ne sentir. et sachiez si bel auoir doit on pres de lui tenir. |
Mult par avroiz le cuer noir, quant vous en savroiz le voir. N’avroiz force ne povoir de li voer ne sentir; et sachiez: si bel avoir doit on pres de lui tenir. |
| V | |
| Robert ie uueil melz morir sil li uenoit aplesir. que len lessasse partir pour trestou te ma contree. |
– Robert, je vueil melz morir, s’il li venoit a plesir, que l’en lessasse partir pour trestoute ma contree. |