Edizione diplomatica

Iaim la plus sade riens

qui soit de mere neee. en q(ui)
iai trestout mis cuer et
cors et pensee. li douz dex
que ferai de samor qui me
tue. Dame qui ueut amer
doit estre simple en rue. en
chambre o son ami soit re(n)

uoisie et drue. Nest riens
qui ne la mast cortoise est a m(er)-
ueille. plus est blanche que
noif conme rose uermeille.
li douz dex que ferai. Ele a
un chief blondet; euz uerz bo-
che sadete. un cors pour enbra-
cier une gorge blanchete. li

douz dex. Ele a un pie pe-
tit si est si bien chaucie. puis
ua si doucement desus cele chau-
ciee. li douz dex. Qiraie ie di
sant nest nule qui la uaille. se
plaine est de pitie nest nule q(ui)
la uaille. li douz dex. Chan
con ua tost si di la douce debo
nere. quel te chant sanz merci
elle saura bien fere. li douz dex