 |
Bernart del uentador. C hantars no pot gaire ualer. Se dinz dal cor no mou lo chantz. ni chantz no(n) pot dal cor mouer. Si no ies fin amors corals. P(er) so es mos chantars cabals. Qe ioi damor ai (et) enten. La bocha els oils el cor el sen. |
 |
|
 |
A mor blasman p(er) no(n) saber. Fola gens mas leis no(n) es da(n)s fola genz mas leis non es danz. Camors no(n) poti es deschaer. Si no es amors comunals. Aisso no(n) es amors aitals. No(n) a mais lo nome l paruen. Q(ue) re(n) no(n) ama si no(n) pren. |
 |
S eu en uolgues dire lo ver. Eu sai ben de cui mou lenianz. Da qelas camon p(er) auer. E son menchadanz euenals messongiers en fos eu efals. Uertat en dic uilanamen. E peza me car[…] nient. |
 |
E n agradar een uoler. Es lamors de doz finz ama(nz). nulha res noil pot pro tener. Sil uoluntatz no(n) es egals E cel es bes fols naturals. Qi de so q(ue) uol la reprens. Eil lauza so qe noil hes gent. |
 |
M olt ai ben mes mon bon esper. Cant celam mostra bel semblant. Qeu plus desir e uol uezer. Franche fina douze leials. En cui lo rei seria sals. Bel e coind dab cors auinent. Ma fait richo medenient. |
 |
R em non am mais ni sai temer. Ni ia res no(n) seriafanz. Sol midonz uengues a plazer. Cai cel iorns mi sembla nadals. Cab sols bels oils esp(ir)itals. Mes garda mas so fai talent. cun sol dia me dura cent. |
 |
L o uers es finz e naturalz. E bon celui qui ben lenten. e mei- lher mes qel ioi aten. B ernartz del uentadorn lenten. El dig el fag el ioi aten. |