 |
Ire damors qui en mon cuer repaire. ne mi let tant que de chanter me tiengne. grant merueille ert se gen puis chancon faire. car ie ni uoi la chaison dont el uie(n)gne. car li desirs (et) la grant uole(n)- tez. dont ie sui si pensis (et) es garez. mont si mene ce uos puis ie bien dire. quapaines
|
 |
sai conoistre ioie dire. |
 |
Et ne por quant touz li cuers men esclaire. dun bon espoir dex doint que il aueigne. m(o)lt par deuroit ama dame desplaire. se ceste amor moc- cit bien len coueigne. mors ma ses cors li gens li acesmez. et son douz uis freschement colores. et sabiautez dont il nest riens adire. dex por que not tant amoi desconfire. |
 |
Irer me font cele gent de mal aire. plus que nus max que por amors sousteigne. riens ne lor uaut ia ne por ront desfaire. quamors ne mait. (et) qau cuer ne me tiegne. si faitement me sui ali donez. que ia sanz mort nen cuit estre tornez. puis qons se puet uers amors escondire. ne doit len pas afins amis eslire. |
 |
Loiaus desirs dont iai plus de cent paire. mociront uoir ains quen la ioie uiengne. qui touz iors mest promise
|
 |
por atraire. mais ie ne cuit qua madame ensouueigne. qui dex dona ualeur (et) trop biautes. mais contre moi siest orgueils mellez. sina pooir de tel tort contre dire. puis que mes cuers ocire. |
 |
Tres grant amor me fait folie faire. si ai paor que lo(n)- gues lamaintiengne. mes ie ne puis mon corage retre- re. ensi me plaist conment quil men auiengne. por tel raison sui poures asazez. quant ie plus uueil ce dont plus sui greues. et en lesm- ai mestuet ioer (et) rire. onc mais ne ui si deceuant mar- tire. |