[c. 1r]
 |
| Tout mi desir (et) tout mi gries torment uienent de la ou sont tout mi pen ser grant paor ai por ce ke toute gent qi ont ueu son gent cors esmere sunt si sou pris de bone uolente nes dieus lai(n)me iel sai aessiant grans meruelle est q(ua)nt Tous esbahis me uois esmeruellant ou dieus trouua si estrange biaute. q(ua)nt il la mist caius entre la gent mo(n)t il sen sueffre tant. nos enfist grant debonairete trestout le mont en a enlumi ne ken sa ualor sunt tout li bien si grant nus ne la uoit ne u(ous) en die autant. |
 |
| Bone auenture auiengne fol espoir. qi les amans fait uiure (et) esioir. desp(er)ance fait languir (et) doloir (et) mes fols cuers me fait cuidier garir. sil fust sages il me feist morir. por ce fait bon de la folie auoir. kentrop grant sens uoit on bien mes cheoir. Ki la uodroit souent ramenteuoir il nauroit mal nelesteust garir car ele fait trestous les maus ualoir cui ele wet belement aquellir. dieus tant ne fu gries chose al dep(ar)tir. amors m(er)ci faites li asauoir. cuers ki nai(n)me ne puet grant ioie auoir. |
 |
| Souegne u(ous) dame del douc acuel qi ia fu fais par si g(ra)nt desir rier qe norent pas tant de pooir mi oel qe ie u(er)s uous les osaisse enuoier ne ma bou che ne u(ous) osa proier ne por dire dame ce qe ie wel tant fui coars ke encore me(n) duel. Dame se ie uos puis mais araisnier. ie parlerai mout mies qe ie ne suel sam(or)s me lait qi trop me mainne orguel chanchons ua ten droit a Raoul noncier kil serue amors (et) face bel acuel (et) chant souent com oiseles el bruel. |