[c. 24ra]
 |
Lirois de nauarre. Empereres ne rois no(n)t nul pooir. en uers amors ice uos uueil prouer. il pue(n)t bien doner deleur auoir. t(er)res |
[c. 24rb]
 |
et fiez et mesfais pardoner. et amors peut home de mort garder. (et) doner ioie qui dure. plaine debone auenture. Amors fait bien un ho(n)me melz ualoir. que nus fors li ne poroit amender. les grans desirs done dou grant uoloir. tex que nus hons ne peut contrepenser. seur toutes rie(n)s doit on amors amer. en li ne faut fors mesure. et quele mest trop dure. Samors uosist guerredoner au tant. com ele peut m(o)lt fust ses nons adroit. mes el ne ueut dont iai le cuer do lent. car el me tient sans guerredon destroit. (et) ie sui cil quels que la fins ensoit. qui ali seruir sotroie. apris lai nen creroie. |
[c. 24va]
 |
Dame aura ia bien q(ui) mer ci atent. uos saues bien de moi au par estroit. q(ue) u(ost)res sui ne peut estre autrem(en)t. ie ne sai pas se ce mal me feroit. de tant dessais faites petit desploit. que se ie dire losoie. trop me demeure la Ie necuit pas quil ioie. onques fust nus hons. qua mors tenist enpoint si peril leus. tant mi destraint que gen pert ma raison. bien se(n)t (et) uoi que ce nest mie agieus. quant me mostroit ses sen blans amoreus. bien cuidai auoir amie. encor ne lai ie mie. Dame mamors (et) ma uie. est en uos que que ie die; |