[c. 74vb]
 |
Au tans plain de felonie denuie (et) de traison de tort (et) de mesprison sanz b(ie)n (et) sans cortoisie (et) que entre nos barons fai sons tot le siecle empirier que ie uoi escomenier ceus qui plus offrent reson lor uueil dire une chancon. Li roiaumez de surie nos dit (et) crie a haut ton se nos ne nos amendon por dieu que nos ni alons mie ni ferions se mal non. dex aime fin cuer droitu |
[c. 75ra]
 |
rier se uelt de tel gent aidier cil essau ceront son non (et) (con)querront sa mai son. Encor aim mielz toute uoie de morer ou saint pais que aler po ures chaitis la ou ia solas nauroie phelipe en doit paradis conquerre par mesaise auoir que uos ni troue rez ia uoir bon estre ne ieux ne ris q(ue) uos auiez apris. Amors a coru en proie (et) si men meine tot pris en lostel ce mest auis dont ia issir ne querroie sil estoit a mon deuis dame cui biaute fet oir ia de prison nistrai uis ainz morrai loialz amis. Dame moi couuient remaindre de uos ne me quier partir. de uos amer (et) ser uir ne me soi onq(ue)s ior faindre si me uaut bien (un) morir lamor qui mas saut souuent. ades u(ost)re merci aten que bien ne me puet uenir se nest par uostre plaisir. Chancon ua dire lore(n)t quil se gart bien outreement de g(ra)nt folie enuahir q(ue)n li auroit faus ma(n)tir |