[c. 36vb]
 |
Tant ai amors serui es longuement que des or mes ne men doit nus re prendre. se ie men part ore adieu les comant. quen ne doit pas touz iors folie enprendre. et cil est fox q(ui) ne sen set desfendre. ne ni conoist son mal ne son tor |
[c. 37ra]
 |
ment. len mentendroit des ormes por enfant. car cha scun tens doit sa saisson atendre Ie ne sui pas si con cil autre gent. qui ont ame puis i uuellent contendre. et die(n)t mal par mautalent. mes nus ne doit seignor seruise vendre. encontre lui mes dire ne mesprendre. et sil sen part parte sen mainte nant. endroit demoi uueil ie que tuit amant aient grant bien quant ie plus ni puis prendre. Amors ma fait maint bie(n) tres ques ci. quele ma fait amer sans uilainie. la pl(us) tres bele (et) la meillor ausi. au mien cuidier qui onq(ue)s fust fu choisie. amors le ue |
[c. 37rb]
 |
ut (et) madame menprie. que ie men parte (et) ie m(o)lt len merci. quant par le gre ma dame men chasti. meillor raison ni uoi ama partie. Autre chose ne ma amors meri. de tant con iai este en sa baillie. mais bien ma dieus par sa pitie gari. q(ua)nt deliure ma desa seignorie. quant eschape li sui sans perdre uie. ains de mes euz sibon estre ne ui. si cuit ie faire encor maint gieu par ti. et maint sonet (et) mai(n)te rauerdie. Au comencier. se doit on bien garder; dentreprendre chose desmesuree. mes bone amor ne lait home apenser. ne bien choisir ou mete sa pensee. plus tost aime on en estrange contree. ou on ne peut ne uenir ne aler. quen ne fait ce quen peut touz iors trouer. ici est bien la fo lie esprouee. Or me gart dex (et) damors (et) damer. fors de cele que len doit aorer. ou len ne peut |
[c. 37va]
 |
faillir a grant soudee |