| enbernat del ue(n)tador Ca(n)t par la flor costal uert fueill. euei lo tems clar esereintz. els dous chantz dels auzels pels bruell. ma dousen mon cor emri zentz. pueis lauzels chanta(n) alurs fos. ieu cai plus de ioy emo(n) cors. car no(n) pens de ren als. Sella del mont quieu plus uuell. emais am de cor ede fe. aus de ioi motz ditz els acuell. emos precs escoute rete(n). esom ia p(er) ben amar muer. ieu en morai car en mon cor. la port a mor ta(n) fina natural. q(ue) tutz son fals ues mi li plus lials Cant me me(m)bra q(ue) zamar suell. la bella de mala merce. sapchas q(ue) tal ira macuell. q(ue) p(er) pauc de ioi no(m) recre. do(m)na p(er) q(ui)eu chant edemor. de la boca metes elcor. du(n) dous baizar fins (et) francs elials. q(ue) metal ioi em gui ira mortal Ben sai la nueh ca(n)t mi despuell. el lieg que no(n) dormirai re(n). q(ue)l dormir pert quieu eis lom cuell. p(er) uos do(m)na don me soue(n). que lay no(n) hom ason tezor. uolon ades tener son cor. tan pe(n)s de uos pros do(m)na de que(m) cal. null bon saber mo(n) bo(n) pensar no(m) ual. Tal nia q(ue) amais derguell. car gra(n) ioia egra(n) ben lur ue. mas ie soy de millor escuell. eplus fra(n)cs ca(n) dieus mi fai ben. coras q(ue) fos damar alor. delor suy ben uengut al cor. merse mi dons uostruop par ni egual. tot ay cant uuell sol q(ue) dieus uos mi sal. Do(m)na si nous uezon mieu huell. be(n) sapchas mo(n) fin cor uos ue. E nos dulhas plus quieu mi duell, quieu sai co(m) uos destrenh p(er) me. e sil gilos uos bat de fors. garas q(ue) no(n) uos batal cors. sieus fay enueh uos aluy atretal. ega an uos no(n) guazanh be(n) p(er) mal. Mo(n) bel uezer gart dieus dira demal. ca(n) soy de lueinh ede pres atrestal. |