Tu sei qui

Edizione diplomatica

Schede primarie

Bernartz deuentedorn
LAn qan uei la fuoilla. ios dels al-
bres cazer. cui que pes ni duoilla. a
mi deu bon saber. non crezatz qieu
uoilla. flor ni fuoilla uezer. car uas
mi sorguoilla. so qieu plus uoill a-
uer. cor ai q(ue) men tuoilla. mas no(n) ai
ges poder. cades cuich macuoilla. on
plus men desesper.

Estraigna nouella. pot hom de mi
auzir. q(ue) qan uei labella. qem solia
acuillir. qaras nom apella. nim fai
uai si uenir. lo cors sotz laissella. me(n)
uol de dol partir. dieus qel mon cap-
della. sil platz men lais gauzir. q(ue) sai
sim reuella. noia mas del morir.

Non ai mais fianssa. en agur ni en
sort. q(ue) bon esp(er)anssa. ma cofondut e
mort. q(ue) tant loing me lanssa. label
la cui am fort. qand liqier saman-
sa. cum sieu lagues gran tort. tant
nai desp(er)anssa. q(ue) totz men desconort.
mas non fatz semblanssa. cades cha(n)t
em deport.

Als non sai que dire. mas molt fatz
gran follor. car am ni desire. del
mon la bellazor. ben deuria aucire.
cel qanc fetz mirador. qan be mo
cossire. non ai guerrier peior. ial
iorn qelaus mire. ni pens de sa ua-
lor. non serai iauzire de lieis ni de
samor.

Ia per drudaria. nom am que nois
coue. pero sil plazia. qem fezes cal
que be. eu li iuraria. p(er) lei e p(er)ma fe.
qel ben qem faria. no fos saubutz
p(er) me. eson plazer sia. qieu sui a
sa merce. sil platz q(ue) maucia. qieu
nomen clam de re.

Ben es dreitz qieu plaigna. sieu
pert p(er) mon orguoill. la bona com-
paigna. el solatz qauer suoill. petit
me gazaigna. lo fols arditz qieu
cuoill. car uas mi sestraigna. so q(ue)u
plus am euuoill. orguoills dieus
uos fraigna. caram ploron mei oill.
dreitz es quem sofraigna. totz iois
qieu eis lom tuoill.

Encontral dampnatge. ela pena
qieu trai. ai mon bon usatge. cades
cossir delai. orguoill efollatge. e ui
lania fai. qin mou mon coratge.
ni daltrem met en plai. car meillor
messatge. entot lo mon non ai. e
mand loill ostatge. entro qieu torn
de sai.

Dompna mon coratge. meillor amic
qieu ai. uos mand enostatge. entro
qieu torn de sai.