| bernaz del ve(n)tador Amors equeus es ueyaire. trobas uos fol mas ca(n)t me. que(m) uoletz que(m) sia maire. e que ia no(n) trop merce. que que(m) coma(n)dest afaire. faray ieu aisi couen. mas a uos no(n) esta ben. que(m) fassas tostems mal traire. Ieu am la plus de bon aire. del mo(n)t plus que nulha ren. mas ella non mama guaire. ni say p(er) que ses deuen. mas ca(n)t ieu me(n) cug retraire. ieu no(n) puosc camors me(n)te(n). trait suy p(er) bonafe. amors be(n) ho puesc retr aire Abamors ocuh atendre. que non men puesc plus tener. que(n) tal luoc me fay entendre. don ieu gran ioy no(n) nesper. ans p(er) pauc no(m) fay ar pendre. car anc nac cor ni uoler. mas ieu non ay ges poder. que(m) puesca damors defendre. Grans enuets es egran nauza. de tostems merce cridar. mas lamor ques emi clauza. non pot cubrir ni celar. las mon cors non dorm ni pauza. ni pot enun luoc estar. ni non pot lon guas durar. sill dolors non sa suauga. Ma chanson apri(n) adire alegret e portas la. aun tr(i)stan que sap ben chantar erieire. |