| .Bernatz deuentadorn. (q) An uei la lauzeta mouer. De ioi sas alas contral rai. Que soblides laissa cazer. Per la dousor cal cor li uai. Ai las cal enueia men ue. De cui quieu ueia iauzion. Meraueillas ai car de se. lo cor de dez erier nom fon. i las qan cuidaua saber. Damor eqan pe tit en sai. Quezeu damar nom puosc tener. Celleis onia pro non aurai. Tout ma mon cor etoute mame. Esi mezeis etot lo mon. Eqan sim tolc nom laiset re. Mas de serrier ecor uolon. (d) elas domnas mi desesper. Jamais en lor nom fizarai. Caissi com la suoill mante ner. Enaissi las desmantenrai. Puoisuei cuna pro nomente. Ab lei quem destrui em confon. Totas las autras eumescre. Car ben saicatretals se son. nc non agui de mi poder. Ni no fui mieus deslor en sai. Quem laisset en sos oillz uezer En un mirail que mont mi plai. Mirails puois mi mirei ente. Man mort li sospir de preon. Caisim perdei cum perdet se. lo bels nar cisus en la fon. (m) erces es perduda per uer. Et eu nono saubi anc mai. Car sil que endegrauer. Non a ren et on la qerrai. Aca mal sembla qui la ue. Quel aquest caitiu desiron. Que non. nom pot ualer. Dieus ni merces nil dreg quieu ai. Ni alei non uen aplazer. Quieu lam iamais non lo dirai. Aissim part damor em recre. Mort ma eper mort li respon. Euauc men pu ois il nom rete. En issil caitius non sai on. Aiso fai ben femna parer. Ma domna per quieu lo retrai. Quanc non uolc so com deu uoler. Etot so com li ueda fai. Ca zutz son emala merce. Et ai ben fag com fol en pon. Enon sai per que mes deue. Mas car trop pugnei contra mon. |
Secondo l'edizione diplomatica fornita in: L. Suttina, Frammento di un nuovo canzoniere provenzale del secolo XIII, In: Romania, tome 54 n°213, 1928. pp. 1-10.