 |
| Folchet de marseilla. S al cor plagues ben fora oi mai saços. de far chanson p(er) ioia mantener. ajas trop me fai ma uentura doler. Qant eus gard lo bens els mals qeu ai. Qar rix diz hom qe soi e qe ben uai. mas cel qel diz non sab ies ben lo uer. Qar benenansa no pot nul hom auer. De nulla re mas darço qal cor plai. P(er)qeu nam mais us paubres ses ioios. Qus rix sens ioi qes tot lan consiros. |
 |
| E seu anc iorn fui gais ni amoros. Er non ai ioi damor ni nol esper. Mi autre pens no(n) pot el cor caber. ainz me semblan tut autre ioi esmai. pero damor qel uer uos en dirai. Nom lais del tot ni nomen pusc remaner. aisi cum cel qen mei del arbre estai. Qes poiaz tant qe non sap tornar ios. Ni sus non uai tant li par temoros. |
 |
| P ero nom lais si tot es pereillos. Qades non poig eu sus a mon poder. E deuriam domnal fis cors ualer. Pos conoissez qo sa no(n) recreirai. Qab ardimen apoderisc lesglai. E no |
 |
| ten dau qe nien deia eschaer. Per çous er ient sim deguoz retener. El gaçerdos er ai tals cum seschai. Qeu eis lo dons es faiz lo gazerdos. a cel qi sap dauinent far sos dos. |
 |
| D onc le merces a nul poder en uos. Traga senan si iam uol prou tener. Qeu no men fi en prez ni en saber. Ni en chansos qar ben conosc (et) sai. Qe merces uol ço qe rasos dechai. Per qen uos cuig ab merce conqerer. Qem es escuz co(n)tral sobre ualer. Qi es en uos em fai metre en assai. De uostramor ço qem ueda rasos. Merces me fai cuidar qaninet fus. |
 |
| A ra conosc qe soi neins paoros. Qau al comensamen meu desesper. E mas chansons pois merce qerer. Farai odonc si com lo ioglars fai. Qaisi com mog lo lais lo finerai. Desesperaz qar eu non pusc ueçer. Rasons per qel degues de me chaler. Pero al mens ai tant retendrai. Qenz en mon cors lamarai a rescos. E dirai be de leis en mas chansos. |
 |
| S inaimanz sabia ço qeu sai. Dir poiria qe ben paucoi occhaisos. Noz en amor maisqe noi ual raços. |