  |
folchet
S alcor plages befor oi mai saçons defar chançons p(er)ioia maîtenir. mas trop mi fai mauentura doler. ca(n)t eu regart los bes els mals queu nai. Qe rics diz om qeu sui eque ben uai. Mas qe cel quel diz no sap ges be lo uer. que bena nanssa no(n) pot homs auer. de nuilla ma is daisso cal cor plai. p(er) qe namais us pa ubres ses ioios. cus rics ses ioi qes toz sanz cos siros. E si anc iorn fui gais ni amoros. ar non ai ioi damor ni len esper. ni altres bes men por al cor plaisser. anz me semblon tuich autre ioi esmai. p(er)o damor qel uer uos en dirai. nom lais del tot ninom(en) pos moer. Enam no(n) uau ni no(n) puos remaner. aissi cu(m) cel qen meiz del albrestai. qes tan poiaz qe no sap tornar ios. ne sus no(n) uai tan li par temeros. Pero nom lais si tot ses p(er)illos. Cades no(n) pogi sus amon poder. edeuriam donai fis cors ualer. pois conoissez qe ia nom re creirai. Cab ardim(ent) apederom les glai. E no(n) tem dan qe men puosca eschaçer. p(er)qeus er gen sim deîgnaz retener. El guierdons er aitals com seschai. Qe neis lo dos es fa i gen guierdos. a scel qe sap dauinen far sos dos. Donc si m(er)ces anuill poder. en uos traia senan si iam uol pro tener. Qeu nom(en) fi enp(re)z ni ensaber. ni en cha(n)ssos. Mas car conos essai qe m(er)ces uol so qe raissos des chai. p(er) qeus cuit ab m(er)ce co(n)querer. Qui mes escuz cont(ra)l sobre ualer. Qeu sai en uos p(er) qem met en assai. de uostramor so qem ueda raissos. Mas ill me fai cuiar qua uinenz fos. A cho conosc que soi meinz paoros. Can al co menchamen me desesper. Emas chanzos pu ois uuoill merce querer. farai odoncs aissi com iuglars fai. aissi com mou mos lais lo fenirai. desesp(er)aç puos donc noi puos saber. Razo p(er)qe ill deia demi caler. Mas toz lomeinz aitan ire tendrai. Quinz en mon cor lamerai enrescos. Edirai be delei en mas chanssos. Si nazimanz saubia so qeu fai dir. poiria cu na pauca ocaissos. Nozen amor plus qe noi ual raissos. |