  |
folquet de marselha.
Sal cor plagues ben forau mai sazos. de far canson p(er) ioi a mantener. mas tan mi fai mauentura doler. quan bem cossir los bes els mals q(ui)eu ai. que tug dizo que rix sui e bem uaj. e sel quec ditz no(n) sap ges ben lo uer. que benanansa non pot luns hom auer. de lunharen mas daquo qual cor plai. per que na mais us paubres sies ioyos. qus rix ses ioi ques tot lan cossiros. E sieu anc iorn fui gays ni amoros. er non ai ioi damor ni non lesper. ans mi semblon tus autre ioi esmai. pero damor quel uer uos en dirai. nom lais del tot ni nomen puesc mouer. ni sus non uau ni no puesc re maner. aissi quom sel que mieg del albrestai. ques tan poiatz que non pot tornar ios. ni sus non uai tan li par temeros. Pero nom lais si tot ses perilos. que sus non pueg a des amon poder. e deuriam dona fis cors ualer. que be sabetz que la nom recreirai. quab ar diment apodere les glai. e non tem mal quemen puesqueschazer. per queus er gen sim denhatz retener. el gazardos er aital quom seschai. que neys lo do nes faitz bos gazar dos. a sel que sap dauinent far sos dos. Si anc merces ac lunh poder en uos. tragas enans si iam uol pro te ner. quieu nomen fi en pretz ni en saber. ni en chansos mas be(m) conosc e sai. que merces uol so que razos dechai. per q(i)eu uos cug ab merce co(n) querer. que mes escutz contral sobre ualer. que es en uos em fai metren assai. de uostra mor so quem ueda ra zos. Em fai cuiar aisso caunimêt fos. Ara conosc que trop sui oblidos.q(a)r al comensame(n) mi desesper. de mas chansos pos uuelh merce querer. fa rai o doncs aissi quol ioglar fai. q(a)is si quom muou lo lais lo fenirai. desesperar mai pus non puesc uezer. razo per quel deia de me caler. pero al mens aitant en retenrai. quins e mon cor lamarai a rescos. e dirai ben de lieis e mas chansos. Mentir cugei mas estagrat dic uer. quar mestaua trop miels quara no tai. e cugei far creire so que no fos. mas mal mon grat sauera ma cha(n)sos Fi naymans sabia so q(ui)eu sai. dir poi ria cuna paucochaizos. notz en amor mai que noi ual razos. |