[c. 122r]
 |
| De bone amor uient science (et) bonteis (et) amors uie(n)t de ces dous atresi. tuit troi sont dun ke bien iait panseit. ne ia nul ior ne seront dep(ar)tit. p(ar) un consoil ont antre ous establit. lor corraour ki dauant sont aleit. de mon cuer ont fait lor chamin ferreit. ta(n)t |
 |
| Li courreours sont lont useit mais nan seront p(ar)tit. de nuit an clarteit. (et) lou ior sont por les gens occursir. li dous regairs (et) li mot sauoreit. (et) la biateis (et) li biens ke gi ui. nest merueille se ie man esbahi. de lei ait deus lou siecle enlumineit. car ki uairoit lou plus bial ior desteit. leis li seroit oscurs an plain midi. Sans (et) ualor |
 |
| sont ai un acordant. Li dui sont troi. (et) dou tiers sont li dui. (et) bone amors est ai az apandans. ou tout li biens est l repos (et) refus. por cest amors li hospitals datrui. ke nus ni falt. selonc son a |
[c. 122v]
 |
| uenant. mais iai faillit dame ki ualeis tant. a uostre osteil. se ne sai ou ie seus. Or ni ait mais fors cali me comans. ke tous panseirs ai laixiet por cestui. ma belle mort ou ma ioie an atant. ne sai lou keil des ke daua(n)t li fui. donc ne mi firent seu oil point danut. ans mont naureit si tres doucetemant p(ar) mei lou cors dun ameros talant. ancor iest li cols ke ian resui. Li cols fut grans |
 |
| il ne fait canpirier. ne nus mires ne lou poroit seneir se celle non ke lou dairt fist lancier. se de sa main i de gnast adeseir. bien an poroit lou cop morteil osteir. ke ia fut fais p(ar) si g(ra)nt desirier. mais la pointe nan poroit nus sachier. kelle brisait dedans a cop doneir. |