.jpg.png) |
folquet de marseilla.
A pauc de çantar nom recre. Pe(r) enoi dels la useniadors. Mas forsa damor mi rete. Q(ue) nom laissa uirar aillors. Tansoi dels ben am ans la flors. Aisim te. Amors pres el fre. Que daltre nom soue. Mas dellei seruir aiornal. E doncs sieu fas soques coue. Car qui pot a mar miels de be. Per dreich len eschai la lau sors. Ben men deu eschazer honors. Esab ben midonç et amors. Quieu enre. Vas lei nom malme. Mas car li clam merce. Q(u)emdes so que mes plus coral. Pot esser qeso tan amal. E can mi paraula nim ue. Massaill al cor la resplandors. Dels bels oills edels douz ale. Mi uen mesclamenz la sabors. Si qen laboram o nais doulors. Per quieu cre. Econose quel be. Quieu dic non ai de me ans mieis desamor natural. Que ma inz el cor pres ostal. Doncs son ben fols car nom recre. Damar leis que bem par follors. Pois cautre bos no(m) nes deue. Euei cades creis ma dolors. Q(ue) me sol afag tot son cors. Per mafe. Miels ma ue. Que per leis sofiera iase. Mon dan sitot a leis non cal. Cautra des samor per cabal. E puois aquel iois mi mante. Sim fezes ai tan de socors. Qem deines retener abse. Gar datz sieu fora dels ausors. Qe sos rix pretz esa ualors. Creis eme. Meillura eue. Ab sol quil agues lo dese. De la dolor fere mortal. Nos a gran partit per egal. Pero sil clamerai merce. Del dan quil mi fai edel mal. Puois nuill autramors nomival. |
.jpg)
