[359 v]
 |
Clara danduza E N greu esmay (et) en greu pessame(n). an mes mon cor (et) en granda error . li lauzengier elh fals deuinador . abayssador de ioy e de iouen. q(a)r uos qeu am mais que res quel mon sia . an fait de me departir elonhar . si q(i)eu nous puesc ue ger ni remirar . don muer de dol dira e de feunia . S elh quem blasma uostra mor nim defen . no pedon far en re mon cor mellor . nil dous dezir quieu ai de uos maior . nil enueya nil dezir nil talen . e non es hom tan mos enemicx sia . sil naug dir ben que nol te nha encar . e sin ditz mal mais nom pot dir ni far . neguna re que a plazer me sia.
|
 |
I a nous donetz belhs amicx es pauen . que ia ues uos aia cor tu chador . ni quieus camge p(er) nul autra mador . sim pregauon dau tras donas un cen . qua mors que(m) te per uos en sa bailia. uol q(ue) mo(n) cor uos estuy e uos gar . e faraio e siau pogues emblar mo(n) cors tals la que iamais non lauria . A micx tan ai dira e de faunia . quar nouos uey que qua(n)t yes cug chantar . planh e sospir p(er) quieu no puesc so far . amas co blas quel cor complir uolria . |