| c.119 | |
 |
Bertrans de born . QAn la nouella flors par el uerchan. On son uermill uerd eblan li brondeill. Abla dousor qeuse(n)t al torn delan. Cha(n)t autresi com fan li autre auseill. Car per ausel me teing en maintas res. Car aus uoler tot lo meillz qel mones. Voler laus eu et auer cor uolon. Mais non llaus dir mon cor anz loill rescon. Eu non sui druz ni damor nom feing tan Qen rason domna damor nin apel. Ni no domnei esim ual autretan. Q(e) lausen giers fals enoios fradel. Desenseingnat ui lan emal apres. An de mi dit tant en son en tremes. Q(e) fan cuiar qe la genser del mo(n) Mi teingna gai iausen edesiron. Com ses domna non pot far damor cha(n). Mas seruentes farai fresc enouel. pu ois chastiar cuidon en guerreian. Nostre ba ron lo seingnor de bordel. Eperforsa tornar franc ecortes. Mal estara sancar uilans no(n) es. Tanqe qascuns aia gaug sil respon. E nols enoi sipels pela nil ton. Ancta aura saissi pert son affan. En limo zin on atrait maint cairel. Etanta tor taint mur etaint auan. faich edes faic efon dut taint chastel. Etant auer tolt edonat emes. Etaint colp dat ereseubut epres. Eta(n) ta fam tanta set etan son. Com el atrat dan gen tro amon tron. Rassa per uos remanon sai claman. En li mozin de sai uas mon saurel. p(er)uostre pro aurez faiz de lor dan. Som dis naimars el seingner de martel. Emaclafers engol fa nz engol fiers. Etuit aisel qen uos seron en pres. Non an la paz ges per uos en q(ue) son. anz fa<z> n lor grat lai al comte raimon. Siruentes uai an raimon gauseran. Lai |
| c.119v | |
 |
apinos en ma rason lespel. Car tant aut son sei dit esei deman. Delleis qem ten ca briera efon durgel. Amon fraire en ren graz emerces. De bergidan del fin ioi qe menqes. Q(e) tot mor cor tornet en iauzion. Qan nos partim amdui al cap del pon. Si com lausel son de soz laurion. Son las autras sos la gensor del mon. |