  |
D ouce dame tot autre pense ment quant pens a uos ou bli en mon coraige. des que uos ui des ielz p(re)mierement ains puis amors ne fu de moi sauuage aincois ma plus traueil
lie que deuant por ce voi bien que ga rison naten qui ma souaige fors seul de uos remirer des ielz du cuer en pensant. |
 |
Se ie ne puis uers uos aler souuent ne uos poist pas bele et cortoise et sage. que ie me dout forment de male gent qui deuinent auront fet maint damage. et damer aillors samblant sachiez q(ue) cest sanz cuer et sanz talant. sen soiez saige et sil uos deuoit peser ie lairoie aincois ester. |
 |
Sanz uos ne puis dame ne ie ne quier ne ia dautrui dex ne me doint mes ioie. car iaim m(u)lt mielz estre en uostre dangier et soffrir mal qautre b(ie)n se lauoie. ha. si bel oeil riant alacoin tier mi firent si mon corage changier que ie soloie blasmer et despire amors or en sent mortiex dolors. |
 |
Si g(ra)nt biaute com si pot acointier au cortois sen qui souuent cors mestroie. Ia la fist dex por fere merueillier toz ceus a qui ele velt fere ioie. nul outrage dame ie ne uos quier. fors seul itant que degnissiez cui dier que uostre soie. m(u)lt me feroit g(ra)nt secors et esp(er)ance damors |
 |
Einz riens ne ui en li ne mait naure dun parfont cop a si tres douce lance. front bouche. nez ielz. vis blanc colore. mains chief et cors et bele contenance ma douce dame et q(ua)nt le reuerres mes anemis qui si fort mo(n)t greue par lor puissance quainz mais n(us) hom fust uis qui tant amast ses anemis. |
 |
Chancon ua ten a celui que b(ie)n se et se li di por paor ai chante et en doutance mes droiz est que fins amis soit a sa da me ententis. |