

(c. 2r) |
![]() |
Amours me fait commneucier vne chancon nouele. kele me veut
ensegnier a amer. la plus bele ki soit v mont viuant. cest la bele au cors
gent cest cele dont ie chant dex men doinst tel nouele. ki soit amon |
(c. 2r) |
![]() |
talant. que menu et souvant mes cuers pour li sautele. Bien me poroit auancier ma douce dame bele sele me voloit aidier a ceste chanconele. ie naim nule riens tant. (con)meli seulemant. (et) son afaitemant. ki mon cuer renouele. amours me lace (et) prant. (et) fait lie (et) ioiant pour cou ca soi ma pale. Quant fine amou(r)s me semont m(u)lt me plaist (et) agree. (que) cest la riens en cest mont q(ue) iai plus desirree. or la mestuet seruir ne mempuis plus tenir (et) du tout obeir. plus q(ue) riens ki soit nee. sele me fait languir. (et) vois ius cau morir. mame en sera salvee. Se la mieldre de cest mont ne ma sa mour donee. tout li amourex diront ci a fort destinee. sa ce puis ia ue nir. caie sans repentir. ma ioie (et) mon plaisir. de li cai tant amee. lors di ront sans mentir. carai tout mon desir (et) ma queste achievee Bele por qui souspir la blonde colouree. puet bien dire (et) gehir q(ue) por li sans m(en)tir sest amours m(u)lt hastee. |