| c. 192 r | |
 |
Bertrans deborn. Qan la nouella flors par el uer- gan. On son uermeill uert ebl anc li brondel. ab la doussor q(e)u sent altorn delan. Chant atressi cu(m) fant li autre ausel. Car p(er) auzel mi teing emaintas res. Car aus uoler tot lo mieills qel mon es. Voler laus eu et auer cor uolon. Mas noil aus dir mon cor anz loil rescon. Eu non sui drutz nidamor nom feing tan. Qieu enrazon ges dompna nin apel. Ni non dompnei esimual atre- tan. Q(e) lausengier fals enoios fradel. Desenseignat uilan emal apres. ant dich demi tant enson entremes. Que fant cuiar q(e) lagensser delmon. Mi te(n) |
 |
ga gai gauzen edesiron. Com ses dompna non pot far damor chan. Mas siruentes farai fresc eno- uel. puois chastiar cuidon engerreian. nostre baron lo seignor debordel. E p(er) forssa tornar franc ecortes. Mal estara sancar uilans non es. tant que chas cuns aia gauch sil respon. Enols enoi si bels pela nils ton. Antai aura saissi pert son afan. Enli- mozin on a traich tant cairel. etanta tor tant mur etant anuan. fraich e desfaich efondut tant castel. Eta(n)t auer tout edonat emes. Eta(n)t colp dat e receubut epres. Etanta fam ta(n)- ta set etant son. Cum el a traich da gen tro amotron. Rassa p(er)uos remanon mout claman. Enlimozin desai uas monsaurel. Pel uostre pro auetz faich delor dan. som dis naimars el seigner demartel. En taillafer enrostans engolfiers. etuich aicill cab uos seron enpres. non ant las patz ges p(er)uos enque son. anz fa(n)t lor grat lai alcomte raimon. Siruentes uai an raimon gausseran. Lai apinos qen marazon lespel. Car tant aut son siei dich esiei deman. delieis que ten cabrieira efon durgel. amon fraire en ren gratz emerces. de berguedan del fin ioi que menqes. Q(ue)tot mon cor entornet gauzion. q(a)n nos partim amdui elcap delpon. Si cum lauzeill son desotz laurion. Son las autras sotz la genssor del mon.
|