 |
| reambautz daurenga. Ara non siscla ni chanta rossigniols. ni cridairols en uergier. ne dinz forest. ni par flors groia ni blaua. e sim nais iois e cha(n)z e creis en ueilljans. car no mi uen con sol som njauz. |
 |
| Car a mi donz a talenta. qem loing dols. e serai be fols. seu totz temps. ab leis non rest. pos frain ma dolor. pl?? braua si qe fais ni afanz. nom pot esser danz. ni maltraigz nom dol paucs ni granz. |
 |
| Ca pauc le cars. nom nauenta. qes chirols. non es ni cabrols tan lieus com eu sui. qel test mes la ioia. qeu cercaua don son iais entrepainz e serai tot lanz. pos ma dona. uol mons enanz. |
 |
| Jes nocam espauenta. lurs estols. dels fels fals e mols. lauzengiers cui deus tempest. sim prent mi don eme(n)traua. p(er) iamais a milanz. tot al seu comanz. qen als cors no(n) cal qeu meslanz. |
 |
| Ja deus qel iornz fes. qaranta dals mon sols. es tornet fillols. do(n) mia don ni aprest mais reis.si leis mi saluaua anz li lais el talanz lo mon e nul tanz contra lei qen tol totz enianz |
 |
| Cap son cor. qel mieu si planta. sai qem tols. car donar o uols. do(m)na cui iois. pais e uest. tot lenian qa me portaua. gen lon trais a sai iohan. ar men creis talonz don cuira el sol ab las mainz. |
 |
| Ai dona prezanz. ar penz. qeus a tal embaizanz. |
 |
| Joglar uostrenanz. uoil e dieus lo uol mil aitanz. |