 |
Tan mabelis lamoros pensamens que ses uengutz en mon fin cor asire, que noi pot nuills autre pens caber Ni mais negus nomes dous, ni plazens Cadoncs uiu sas, can mausi*ol sispire Efin amors maleuia mon martire, quem promet ioi mas trop lom dona len Cap bel semblan ma trainat loniamen. Ben sai que tot can fine es dreit niens, Ieu quen puosc als samor mi uol ausire? Ca*escien ma donat tal uoler, que ia non er uencutz, ni el no uens, Uencutz si er quaucir man li consire Tot soauet, car de leis, cui desire Non ai socors, ni d’allora nolaten, Ni dautramor no puesc auer talen. Per so dona nous am sauiamens, Car uos sui fis, et a mon ops traire, E uos desir perdre, e mi non puesc auer, Eus cug nozer, e soi a mi sui nolens, Per so mon mal nous aus mostrar, ni dire. Mas a lesgart podetz mon cor deuire, quieus cug dir, mas eras men repen, E port els hueills uergon *a, et ardimen. Bona dona, sius platz, siatz sufrens Del be quieus uueill, quieu sui del mal sufrire, E puis lo mals nom poira dan tener, Ans et semblan quel partem engalmens; E sa uos platz quen autra part me uire, Partes de uos la beutat, el dons rire, El dous parlar, que menfolis mon sen, Pueis partir mai de uos mon escien. A totz iorns mes plus belle, plus plazens, Per son uuoill mal als hueills, ab queus remire, Car no uolgr* i* Carnon dan uezon trop sotilmens, Mos dans non mer, car si uals nom nazire, Ans es mos pros dona, perquieu malbire, Si mausizetz, que nous estara gen, Car lo mieu dan uostres er eisamen. Trop uos am mais dona quieu non sai dire, E si anc iorn aic dautramor dezire, No men penet cauous am per un cen, Car ai proat autrui captenemen. Ues Nemze uai Chansos, qui ques nazire, Que gaug nauran, per lo mieu escien, Las tres donas, a cui ieu te presen. |
 |