| Tant mabellis lamoros pensamenz. Qe ses uengutz en mon fin cor asire. Per qe noi pot nulç altre per caber. Ni mais negus nomes dolz ni plaisenz. Cadoncs uiu san can aucioll consire. Et fin amors aluza mon martire. Qem promet ioi mas trop lom dona len. Cab senblan ma trainat loniamen. Ben sai qe tot qant faz es dreich nienz. Eu qen puos al samors mi uol aucire. Qar esien ma donat tal uoler. Qe ia non er uencutz ni el no uenz. Vencuz sier qe mort man li sospire. Tot soave se de lei cui desire. Mon ai secors qe daltra nol aten. Ni catramo non puosc auer talen. Bona do(n)pna sios paz siaz sofrenz. Del ben qeus uoill qeu soi del mal sofrire. Et poi lo mals nom pogra dan tener. Anz mer senblanz qel partam engalmenz. Et sauos plaz qen altra part me uire. Tolez de uos la beltat el gen rire. El dolz parlar qe mafolis mon sen. Partir mai pois de uos mon escien. Catoz iornz mes plus bel et plus plaisenz. Per qen uoill mal als oillz abqeos remire. Car al meu grat no poirion uezer. Mas al meu dan uezon trop soptilmenz. Mos danz no es cho sai pos non az ire. Anz me sap bon do(n)pna per cui malbire. Simauciez no?ios estara gen. Qe lo meus danz uotre er isammen Per cho do(n)pna nous am saviamenz. Qauos soi si set amos op straire. Qeu uos cuit pedre et mi non puose auer Euos cuit noser et ami soi noisenz. Per so nos aus mon mal mostrar ni dire. Mas al esgard podez mon cor deuire. Qeus cuiei dir mas era me repen. Et port els oillz uergoigna et ardimen. Et car uos am mil tanz qe no sai dire. Nomen ponet anz uosa m per un cen. Qar ai proat altrui captenemen. Ves nem sen uai canzos qi qes naz ire Qe gauz nauran per lo meu escien. Las do(n)pnas a cui eu te presen. |