 |
Bernartz del uentedorn. QUan lerba fresquel fuoilla par. Ella flors botonel uerchan. El rosignols autet ecl- ar. Leua sauotz emou son chan. Ioi ai de lui eioi ai de la flor eioi ai de mi (et) demido(n)z maior. Daus totas partz son de ioi claus ese(n)s. Qua sel es iois que totz autres iois uens. Cant am mi donz ela tenc car. Etant la dopte la reblan. Quanc de mi no(n) laussei parlar. Ni ren nol quier ni nol deman. P(er) so il sab mo mal ema dolor. Equan li platz mi fai ben (et) honor. Equan li platz eu soferc men abmens. P(er) so cal calei no(n) aueingna blastens. Ben la uolgra sola trobar. Que dormis on fez- es semblan. P(er) uer lenbles un douz baisar. Puois no(n) uaill tan quieu loil deman. Per dieu domna pauc esp(l)[1]ei tam damor. Uasen lo te(m)ps eperdem la meillor. Parlar degran ab cubertz entre cens. Epois no(n) ual forssa ua- lgues nos sens. Sieu sabes la ien encantar. Miei enemic for an enfan. Que ia us no(n) sainbra triar. Ne dir ren quens tornes adan. Adoncs sai en que uira la iensor. Esos belz oilz esa fresca color. Ebaisera la boca en totz cens. Si que un mes i paregra lo dens. Ailas com muor de consirar. Que mantas ues en enconsir tan. Lairo men poirian por- tar. Que ren no sabria ques fan. P(er) dieu am- ors ben trobas uensedor. Ab pauc damic es- es autre seingnor. Car una uetz tan mido(n)z no(n) destrens. Abanz q(ue)u fos del desirier este(n)s. Merauill me com puosc durar. Que nol de- mostre mon talan. Qua(n)t eu uer mi donz nu- ill esgar. Li sieu beill oill tan ben lesta(n). Per pauc me teing. car eu ues lei no(n) cor. Si fei- ra eu si no(n) fos p(er) paor. Quanc no(n) ui cors mie- ls taillat ni de peins. Ad obs damar sia tan greu. nilens. |