 |
Bernart del uentador. Can lerba fresqel fueilla par. E la flor botonel uerchan. El ros- signol autet esclar. ausa sauos |
 |
emou son chan. Ioi ai delui edemidonz ma- ior. Daus totas totas parz son de ioi claus esenz. Cai sel es iois q(ue) toz autres iois ue(n)z. Tant am midonz ela tenc car. Etan la dopte la reblan. Canc demi no(n) lauziei parlar. Ni ren no(n) quier ne no(n) d(e)ma(n). P(er)o il sab mo mal ema dolor. Ecan li plaz mi fai ben et honor. Eca(n)t li platz eu soferc men abmenz. P(er)so calei nonauengna bla stenz. Ben la uolgra sola trobar. Que dormis on fezis semblan. P(er) uer lembles un douz ba- izar. Pos no(n) ual tan q(ue)u loil deman. P(er) dieu do(m)pna pauc espleitam damor. Ua sen lo te(m)ps Ep(er)dem lomeillor parlar degram abcubertz entrecenz. Epos noms ualforsa ualgues nos ienz. Sieu saubes la ien en chantar. Miei ene mic foram enfan. Q(ue) ia us no(n) saubra triar. Ne dir ren q(ue)nz tornes adan. ado(n)cs sai eu q(ue) uira la iensor. Esos bels oilz esa fresca color. Ebaiz era la boca entoz cenz Siq(ue) un mes iparega lo cenz. Ailas com muer de consirar tan. laire m(en) poirian portar. Q(ue) res no(n) sabria q(ues) fan. P(er) dieu amors bem trobas uensedor. Ab pa- uc damics eses autres seingnor. Car una ues tan midonz no(n) destrenz abanz q(ue)u fos del dezerier estenz. |