 |
Bernardus Quant par la flor lerba fresca (et)la folla Et aut los chant dels auses p(er) boscage. Ab lautre ioi qeu ai en mo(n) corage. Dobla mos iois em nais em c(re)is em brolla Qe no(n) es res qe molt posca ualer. Sella no(n) uol amors (et)ioi auer. Qe tut cant es sa legra (et)ses baudeia. Ia no(n) cuidaç qeu de ioi mi recreia Nim lais damar p(er)mal qi auer isolla. Qeu no(n) ai ges empoder qeu me(n) tolla. Camor massal qe(m) sobra segnoreia. Em fai amar lai ol plaç e uoler. Esseu am ço qe nu(m) deues graçer Força damor mi fai far uassallage. Mais en amor no(n) alom signorage. Eqi len qer uillana me(n)t do(m)neia. Qe ren no(n) uol amor qesser no(n) deia. Paubres (et)ricx fai amor dun parage. Qant lus amicx uol lautre uil tener. Greu pot amor ab orgoils remaner. Orgoils dechai (et)finamor capdoilla Eu sec cele qe plus uer mi sorgoilla. E cele fo qim fa debelestage. Canc pois no(n) ui ne lei ne mo(n) message P(er)qe mal sap qe ia do(m)na ma coilla Mais dreit len fag qeu me faç fol parer. |
 |
… … … Mes … penet … dampnatge E conosc ben do(m)na qai fait follatge Car audi ço qe uostramor mi toilla Mas dreit uos faç qem faç p(er) fol tener Car p(er) celui qim tenen en no(n) caler Estau aitant qe uos do(m)na non ueia Mas costumes qe fols tos te(m)ps foleia E serai qeil qil eis loram no(n) coilla Qel bat lo fer p(er)qe ai raison qe(m) dolla. Car anc mi pres dautrui amor enueia. Mais mains ionchas mi uen asson plaser E ia no(m) uoil mais de sos pes mouer. Tro p(er) merce ni men lai os despoilla |