 |
Bernartz del uentedorn. TUt sil que preion q(ue)u chan. Uolgra saub- essom lo uer. Sieu nai aize ne lezer. Ch antes qui chantar uolria. Queu no(n) sab ni chan ni uia. Pois p(er)dei ma benanansa. P(er) ma bona destinansa. A las com muor de talan. Queu no(n) dorm maiti(n) ni ser. Que la nueg quan uau iazer. Lo rosig- nols chante cria. Et eu que chantar solia. Mu- or denueie de pesansa. Car ai ioi ni alegransa. Damor uos dic ben aitan. Qui ben la saubes tener. Res plus no(n) pogra ualer. P(er) dieu mot fon bon al mia. Mas no(m) duret mas cu(n) dia. P(er) ques fols qui ses fermanza. Met enamor sesp(er)ansa. Amors ma mes ensoan. Etornat ano(n) caler. Esi- eu lagues em poder. Dic uos quien fera feu- nia. Mas il no(n) uol camors sia. Res don hom prena ueniansa. Ab colp de spaza ni de lan- sa. Amors eus prec de mon dan. Cautre pro noi puosc auer. Iamas blandir ni temer. Nous quier cadoncs uos p(er)dria. Mout es fols quien uos se fia. Cab uostra falsa semblansa. Maues trait en fiansa. Pero p(er) un bel semblan. Soi en quer en bon es- per. Mon conort dei grat saber. Cades uol q(ue)u chant eria. Edic uos que sil podia. Eu seria reis de fransa. Car al plus quil pot menansa. Lemozi adieu coman. Lei que nom uol rete ner. Quera pot il ben saber. Ser uers aquo quil dezia. Q(ue)n terre straingna neria. Pois dieus ne fes ni fiansa. No(n) mi pos far acorda(n)- sa. Nomo temc auilania. Sieu mai sai bones- peransa. Puois il lai ren nomenansa. Romieu man que p(er) mamia. Ep(er) lui farai semblansa. Queu ai sa bone speransa. |