 |
| bernartz del uentador Ges de chantar nom pren talanz. tant me peza de so qe uei. qem(er)ces soliom en granz. con agues pretz honor e lau. mas era non uei ni non au. com parle de drudaria. p(er) qe pretz e cortesia. e solatz torn e non chaler. |
 |
| Dels barons comensa lenianz. cus no(n) ama de bona fe. p(er) son secals autres de danz. e negus hom de lur nos iau. ni amors non reman p(er) aucar ben leu tals amaria. qi sen ten q(a)r nos sabria aguisa damor captener. |
 |
| Per ren non es hom tan presantz. com p(er) amor e p(er) domnei. qe daqi mou de portz e chantz. e tot cant apretz ric cabau. nulz homs senz amors ren non uau. p(er) qieu non uueil sia mia del mon total segnioria. si ia ioi non sabia uer. |
 |
| Demidonz mi lau attantz q(i)eu non sai dir. (et) ai ben drei qe (c)[1]ant pot me fai bels semblanz. e sona mi gent e suau. e mandet me p(er) qieu mesiau. qe p(er) paor remania car ela plus (n)[2]om faziar ]la uolia[[3] p(er) qieu nestau en bon esper. |
 |
| De(tal)[4] amor son fiz amantz. don duc ni comte non enuei (et) non es reis ni amirantz. el mon qe si nauia tan non sen fezes ric con eu fau (et) si lauzar la uolia. ges tant dire no(n) poir(i)[5]a. de ben qe mais non sia uer. |
 |
| Bona domna cueinde prezanz. p(er) dieu aias de me merce. eia no(n) uoz anes doptanz. del uostra mic fin e corau. far me podez e ben e mal. en la uostra merce sia. qieu son garnitz tota uia. co(m) fassa tot uostre plazer. |