Edizione diplomatica

 
 Bernartz del uentadorn
 LO ien temps de pascor. Ab la fresca color.
 Nos adui fuoille flor. De diuersa color.
 Per que tuit amador. Son gai echantador.
 Mais eu sols planc e plor. Qe iois noma sabor.

 A totz mi clam seingnor. De mi donz edamor.
 Oaisil dui traidor. Mi fan uiura dolor. P(er) ben
 eper honor. Cai fag ala gensor. Que nom
 ual ni ma cor.

 Pene dolor edan. Nai agut ena gran. Mas
 soffert oaitan. Nono tenc adafan. Qua(n)c no(n)
 uist nuill aman. Mielz ames ses enian. Q(ue)u
 no(m) uau ies camian. Si com la do(m)nas fan.

 Puois fom amdui enfan. Lam ades ela bl-
 an.Es ua mos iois doblan. Achascu(n) iorn d(e)
 lan. Esi nom fa enan. Amors obel semblan.
 Quanc erui ella(m) deman. Queu laia bon talan.

 Anc no(n) uist drut lial. Sordeis oaia sal. Qi
 eu lam damor coral. Elam ditz nomen cal.
 Enanz ditz que per al. Noma ira mortal. E
 si daissom uol mal. Pecchat na criminal.

 Las euiures quem ual. Sieu no(n) uei aiorn-
 al. Mon fin ioi natural. En lieg soz fene-
 stral. Cors blanc tot atretal. Com la neus
 anadal. Si cam dui comunal. Mezure sem
 egal.

 Ben for oimais sazos. Bella do(m)pna
 epros. Quem fos datz arescos. En baizan ga-
 zardos. Si ia per als non fos. Mas car soi en-
 ueios. Cus bes ual dautres dos. Qan per fo-
 rs es faitz dos.

 Quan uei uostras faisos. Els belz oillz amor-
 os. Ben merauil de uos. Comes de bel res-
 pos. Esemblan traisos. Quant hom par fra-
 ncs ebos. Epois es orguoillos. Lai on es po-
 deros.

 Bels uezers si no(n) fos. Mos denan
 totz euos. Laisat agra chansos. Per mal delz
 enueios[1].