 |
B. de PUs mi preiatz ue(n)tedor(n) senhor quieu chant ieu chantarai. e quan cug chantar plor. quora quieu men assai. greu ueiretz chantador. ben chan pus mal li uai. ua mi ben donc damor mout miels quanc no fetz mai. e doncs per que mesmai. Gran ben e gran honor. conosc que dieus me fai. quieu am la belazor. (et) elha me so sai. mas ieu sui sai alhor. e no sai cum sestai. so mauci de dolor. quar ochaizon non ai. de souen a nar lai. |
 |
Mas pero tan mi plai. quan de lieys me soue. cui que cride ni brai. eu non aug nulha re. tan dousamen matrai. la bellal cor a se. que tals ditz q(ui)eu sui sai. e so cui e so cre. ges de sos huelh(s) nom ue. Amors e que farai. guerrai ieu ia ab te. tamal ai don morrai. del dezirier quem ue. sil belha lai on iai. nom a- cuelh pres de se. q(ui)eu lembratz e la bay. el estrenha uas me. so(n) belh cors gras e le. Ges damor nom recre. p(er) mal ni per afan. e quan dieus mi fai be. non refus ni soan. e quant alre maue. ben sai suffrir lafan. qua lo saui coue. ques ane alu nhan. per miels falhir enan. Bona dona merce del uostre fin a man. q(ui)eus am per bona fe. qua(n)c res non amei tan. mas iuntas ab cap cli. uos mautrei em coma(n). e sen loc sesdeue fassat me bel se(m)- blan. que mout nai gran talan. Mon escudier e me. auem cor e talan. quamdui anem truan. Et ilh amen ab se. so que plus li atan. (et) ieu mon aziman. |