 |
Bernartz deuentedorn. PEl doutz chan qel rossignols fai. La nuoich qan me sui endormitz. Re ueill deioi totz esbahitz. Damor pensius ecossiros. Caisso es mos mieiller mesti- ers. Que totztemps ai ioi uoluntiers. Et ab ioi comenssa mos chans. Qui sabia lo ioi qieu ai. Q(ue) iois fos ue- zutz ni auzitz. Totz autre iois fora pe- titz. Uas qieu tenc qel mieu iois es g(ra)ns. Tals se fai coindes eparliers. Qen cuida esser rics esobriers. Definamor qieu nai dos tans. Dompna uostre sui eserai. Del uostre |
 |
seruizi garnitz. Uostrom sui iuratz e pleuitz. Euostre mera desabans. Euos etz lomieus iois primiers. E si seretz uos lo derriers. Tant cum lauida mer durans. Qand ieu remire son cors gai. Cu(m) es benfaitz atotz chausitz. Sa cortesia e sos bels digz. Ia mos lauzars nomer a- uans. Cobs mi auria us ans entiers. Sin uolia esser uertadiers. Tant es cor tesa eben estans. Cill que cuidon qieu sia sai. No sabon ies cum lesperitz. Es delieis priuatz (et) aizitz. Si tot lo cors senes loignatz. sap- chatz lo mieiller messatgiers. Cai deliei es mos cossiriers. Qem recorda sos bels semblans. Non sai mais coras uos ueirai. Mas uau men iratz emarritz. P(er) uos me sui del rei partitz. Eprec uos q(ue) nom sia dans. Qieus serai encort presentiers. Entre dompnas ecaualliers. Francs edouz (et) humilians. Huguet mos cortes messatgiers. Chan- tatz ma chansson uoluntiers. A la reina dels normans. |