 |
Bernardus Non es meruella seu chan Miell de nul autre autre cantador Qe plus mi trail cors ues amor. E meil sui faç al seo coman. Qe cor (et)cors saber (et)sen. E forca (et)poder ni ai mes E sim tira en uer amor lo fres Qe ues ren altra no(n) ma tent. Ben es mort qi damar no(n) sent Al cor qalqe dolçe sabor. E qe ual uiure senç amor. Mais p(er) e(n)noi far allagent Ia damedeu no(n)ma ir tant Qeu ia uiua pois iorn ni mes. Qant eu serai de noi repres. E damar no(n) aurai talan A bona fe e ses enian. |
 |
… Del … oils … Car trop lamei p(er) qeu nai dan Eu qen posc mais samor ma pres En le chartre en qe ma mes. No(n) pot claus obrir for merces. Eda qella no trob nient Bona do(m)na plus nous deman Mais qem prendaç p(er)seruidor. Qeus seruirai com bon segnor. Qalqe sia giderdonan. Ueus mal uostro mandament. Bel cors gentil franc (et)cortes. Ors ne lion non es uos ges. Qe maucigat sauos mi rent. Aqest amor mi fer tan gent Al cor duna dolça dolor. Cent ues muor li iorn p(er) dolçor E reuiu de ioi autres cent Tant es mon mal de bel semblan. Qe mais ual lo mals qautres bes. E pos los mals aitant bos es. Molt ual tal bes apres la fan. Hai deus qar se foson trian. Dentres falson li fin amador. Qe lausengiers el bausador. Portes un corn el fron de nan. Tot laor del mont (et)tot largent. Uolgra uer dat si eu labes. Sol qe mi don conoges Aissi com eu lam finament. Qant eu la uei ben mes paruent. Als oils als uis (et)al color. Car aisi tremblei de paor |
 |
Com fai la foilla encontral uen Non ai de sen plus dun enfan Tant sui damor forme(n)t espres Hom qe damor cossi conqes. Pot do(m)na auer almosna gran. |