| Tant ai mon cor plen de ioya. tot medesnatura. flor bl anca uermeill ebloya. mi sembla fredura. cap louent (et) ab la ploya. mi uen lauentura. perque mos pretz mont epoia. e mon chant meillura tant ai elcor damor. de ioy ede douzor |
|
| per quel gel me sembla flor. elaneus uerdura. Anar pusc ses uestidura. nutz emacamisa car fina mor ma segura. dela freia bisa. cascus hom sidesmesura si nosten deguisa p(er) queu ai pres demi cura. pus lagui enquisa. la pus bela damor on aten tan donor. car en luec da saricor. no uuill auer pisa De samiztat meresissa. mas ben ay fianza. car seuals eu nai conquisa. sabela semblanza. q(ue) ial iorn q(ue)u laurai uisa. no(n) au rai pessanza. mon cor ai pres damor. q(ue)l esp(er)it lai cor. mas lo cors essai aillor. lonc delui enfranza. |
|
| Quieu nai la bon esp(er)anza. mas petit mahonda. cautressim ten enbalanza. com la naus enlaonda. del mal pes sim desen anza nosai on mesconda. tota nuit meuir emlanza. desobre mesponda. puix trac pena damor. de tristan lamador. quen so fri manta dolor. p(er)isent la bronda. Ai dieus can nofui ironda. que uoles p(er)laire. euengues p(er)n ueg prionda. lai dins son repaire. bona dona iauzionda mor sel uostamaire. paor ai quel cor mefonda. saiximdura gaire bela p(er)uostramor. iun las mas (et) aor. gen cors ab fresca color gran mal mefaitz traire. |
|
| Anc deus nofetz nuil afaire. de queu tant cossire. tan deleis aug ren retraire. queu mon cor no(n) uire. emon talant men esclaire. que quem nauiat dire. si cades uos er uigaire. cai talan derire. tan lam de bonamor. que mantas uetz en plor. p(er)zo car douza sabor. menan li sospire. Mesatgier uai ecor. digas ala genzor. queu trac el martire |