 |
Bernartz del uentadorn. CAnt ai moncor plen de ioia. Tot me desnatura. Flors blanqe uermeilla groia. Me par la freidura. Cab lo uent et ab la ploia. Me creis la uentura. Per que mos chanz monte poia. Emos prez meillura. Tant ai al cor damor. De ioi ede dousor. Que len uertz me sembla flor. Ela neus uerdura. Anar puosc ses uestedura. Nuz ema camisa. Que finamors me segura de la freida biza. Et es fols qui desmesura. Enos ten de guisa. Per quieu ai pres de mi cura. Deis quieu aicenqi - sa. La plus bella damor. Donaten tan donor. Si quen loc de ma ricor. No(n) uoill auer frisa. De samistat men raisa. Et ai ne fiansa. Que si uals ieu nai conquisa. La bella semblansa. Et ai enansa deuisa. Tan de benana(n)sa. Qe ial iorn quel aia uisa. Non aurai pesansa. Mon cor aien amor. El esperitz lai cor. Et eu sim soi aill - or. loing dellei enfransa. Tant naten bonesperansa. Ues que pauc ma onda. Catressim ten enbalansa. Co(m) la naus sus londa. Del mal trag quem desenansa. Non trop on mesconda. Tota noit me uirem lansa. De sobre la sponda. Tan trac pena damor. Ca tristan lamador. Non auenc tan de dolor per ize - ut la blonda. A dieus car me fos ironda. Quieu uoles p(er)lai re. Quieu uengues de nuoit p(er)onda. Lai ai sieu repaire. Bona domna iauzionda. Muor sel uostra maire. Paor ai quel cors me fonda. Sai som dura gaire. Domna uas uostramor. Ioing mas mans et aor. Bel cors ab fresca color. Gra(n) mal me faitz traire. Quel mon non a nuill afaire. Don ieu tan (con)sire. Sieu aug dellei ben retraire. Que mon cor noi uire. Emo(n) semblan no(m) esclaire. Qe quieu nau - ga dire. Si cades uos es ueiaire. Cai talen de rire. Tan lam per fin amor. Que mantas uez emp - lor. Pero que meillor sabor. Men an li sospire. Messagier uai ecor. Edima la iensor la pene la dolor. Cai per lei el martire. |