 |
Bernartz Ventedorn. QUant ai mon cor ple de ioia. Tot me desn- atura. Flors blanque u(er)meilla groia. Me par la freidura. Cab lo uent et abla plo- ia. Me creis lauentura. P(er) que mos chanz mo(n) te poia. Emos pretz meillura. Tant ai al cor damor. De ioi ede dousor. Que len uertz me sembla flor. Ela neus uerdura. Anar puosc ses uestidura. Nuz ema camisa. Que finamors me segura de la freida biza. Et es fols qui desmesura. Enos ten de guisa. P(er) q(ue)u ai pres de mi cura. Deis queu aic enquisa. La plus bella damor. Donaten tan donor. Si q(ue)u loc de ma ricor. No(n) uoill auer frisa. De samistat men raisa. Et ai ne fiansa. Que si uals ieu nai conquisa. La bella semblansa. Et ai enansa deuisa. Tan de benenansa. Q(ue) ial iorn quel aia uisa. No(n) aurai pesansa. Mo(n) cor ai en amor. Elesperitz lai cor. Et ieu sim sui aillor loing dellei enfranssa. Tant naten bonesperansa. Uos que pauc maonda. Catressim ten en ballanssa. Com la |
 |
naus sus londa. Del mal trag que(m) desenansa. No(n) trop on mesconda. Tota nuit me uirem la(n)- sa. De sobre lasponda. Tan trac pena damor. Ca trista(n) lamador. Non auenc tan de dolor p(er) iz- eut la blonda. A dieus quar me fos ironda. Quieu uoles p(er)la- ire. Queu uengues de nuoit p(er)onda. Lai ai si- eu repaire. Bona do(m)pna iauzionda. Muor sel uostra maire. Paor ai quel cors me fonda. Sai som dura gaire. Domna uas uostramor. Ioi(n)g mas mans et aor. Bel cors ab fresca color. Gra(n) mal me faiz traire. Quel mon no(n) a nuilla faire. Don ieu tan (con)sire. Sieu aug dellei ben retraire. Que mo(n) cor noi uire. Emon semblan no(m) esclaire. Que q(ue)u nau- ga dire. Si cades uos es ueiaire. Cai talen de rire. Tan lam p(er) finamor. Que mantas uez em- plor. P(er)o que meillor sabor. Menan li sospire. Messagier uai ecor. Edima la iensor la pene la dolor. Cai p(er) lei el martire. |