 |
Bernartz deuentedorn. TAnt ai mon cor plen de ioia. Tot mi desnatura. Flor blancha uermeilla. egroia. Mi par la freidura. Cab lo uent et ab la ploia. Mi creis lauentura. P(er) que mos chans monta epoia. E mos pretz meillura. Tant ai alcor damor. De ioi e de doussor. Q(ue) liuerns mi sembla flor. Ela neus uerdura. Anar puosc ses uestidura. Nutz e ma camisa. Q(ue) finamors masegura. De la freida bisa. Mas es quis desmesura. Enois ten deguisa. P(er) qieu ai pres demi cura. Des qieu aic enquisa. La plus bel la damor. Don aten tant donor. si qen luoc de ma ricor. No uuoill auer frisa. Desamistat menraisa. Et ai ne fiansa. Que siuals eu nai conquisa. La bella a- mistanssa. Et ai en ama deuisa. Ta(n)t |
 |
de benananssa. Q(ue) ial iorn que laia uisa. Non aurai pesansa. Mon cor ai enamor. Elesperitz lai cor. Esim sui ieu sai aillor. Loing delieis enfranssa. Tant naten bon esp(er)anssa. Uas que pauc maonda. Catressim ten en balansa. Cu(m) la nau sus londa. Del maltraich qem desenanssa. Non trob on mesconda. tota nuoich me uira em lanssa. De sobre les- ponda. Tant trac pena damor. Ca tristan lamador. non auenc tant de dolor. per yseut la blonda. Dieus car mi sembles yronda. Q(ue) uoles p(er) laire. Qieu uengues de nuoich prion- da. Lai al sieu repaire. Bona dompna iauzionda. Mor sel uostramaire. Paor ai quel cors mi fonda. Saisom dura gai re. Dompna uas uostramor. Ioing mas mans (et) ador. Bels cors ab fresca color. Gran mal mi faitz traire. Qel mon non a nuill afaire. Don eu tant cossire. Sieu aug delieis ben retraire. Q(ue) mon cor noi uire. Emon semblant non esclaire. Q(ue) qieu nauia dire. Si cades uos er ueiaire. Cai talan de rire. Tant lam p(er)finamor. Q(ue) maintas uetz enplor. P(er)o que meillor sabor. Men an li sospire. Messatgiers uai ecor. Edim ala gensor. La pena ela dolor. Qieu trai el martire. |