 |
| B. de ue(n)tador(n) PEr descobrir lo mal pes el cossire. chant e deport et ay solas. e fas esfors car say chantar ni rire. car yeu me muer e lunh semblan non fas. e per amor soy si apoderatz. tot man uencut ab forse ab batalha. |
 |
| Anc dieus no fes trebalha ni martire ses mal damor quieu no sufris en patz. mas daq(ue)l neys soy. si bo mes sofrire. camors mi fay amar (lai)[1] on li platz. e dic uos ta(n) q(ue) sieu no say amatz. so no(n) rema(n) e(n) la mia nualha. [1] Aggiunto in interlinea.
|
 |
| Mi dons soy homs (et) amicx (et) seruire. ni nole(n)quier mays delautramistat. mas casselat lo seus bels huelhs me uire. q(ue) gra(n) bem fay lesgart ca(n) soy iratz. e re(n) len laus e m(er)ces ab dos gratz. q(ue)l mo(n) no(n) ay amic q(ue) ta(n) mi ualha. |
 |
| Mot me sab bo lo ior(n) can la remire. la boq(ue)ls huelhs el front. els mas els bras. elautre cors q(ue) re(n) no(n) es a dire. q(ue) no sia bela me(n) faysonat. ge(n)ser de leys no(n) pot fayre beutatz. yeu me(n) ay gra(n) pena e gran trebalha |
 |
| A mo(n) talan uuelh mal ta(n) la dezire e pret me(n) mays. car ieu fuy tan auzartz. q(ue)n tan aut loc auzes mamor assire. p(er) q(ui)eu me(n) fuy cortes et ensenhatz. e can la uey so(n) tan fort e(n)uezatz. ueyai- re mes q(ue)lcor ues locel mi salha. |
 |
| Dins de mo(n) cor corros e me(n) ayre. car yeu sec tan las mias uoluntatz. ni degus hom no(n) dec aytal re(n) dire. com no sap ges com ses aue(n)turatz. q(ue) fa- ray doncx dels bels semblans priuatz. falhiray li may uuelh q(ue)l mons mi falha. |
 |
| Ab lauzengiers nonayre(n) adeuire. car a(n)c p(er) lor no fon ricx ioy celatz. e dic uos ta(n) q(ue) p(er) me esco(n)dire. a mentir lor ay camiatz los datz. be(n) es totz ioys a p(er)dre(n) desti- natz. q(ue) se p(er)do(n) e(n) la lor deuinalha. Corona mant salutz et amistatz. e prec mi do(n)s q(ue) maiut e me ualha. |